L'Auvernhàs e lo peròt

"I en aviá tres, un còp, que vougueron minjar daus peròts. Crese ben
que quo era tres auvernhàs, d'aquilhs que permenan lor banasta de
vialatge en vialatge, e que daus uns son ferrassons, d'autres vendon
de la tiala, d'autres 'dòban los paraplueias. Totjorn es qu'un ser, a
la clardat de la luna, arriberon jos un perier. Aviá tombat daus
modelons d'aquilhs petits peròts rosseus que meton lo ventre mòl. E
nòstres galhards d'amassar, e de golar, sens prene lo temps d'avisar
çò qu'atrapavan.

- Ten ! i en aguet un que disset, ne'n ai trobat un que a quatre
pautilhas, e pas de coadilha.
E lo golet. Lai davalet tot coma quauqua res mai. Mas dins la nuech,
quò lo prenguet, nòstre òme, son ventre lo tuava. Tant valiá
qu'aguessa los cent mila diassons de l'enfern après sas tripas. Aviá
golat un grapaud.
Que quò es 'na bèstia, lo grapaud, que chau ben far 'tencion de se'n
téner luenh ; mai geta son veren que vos empoisonariá de lo veire."

Los contes dau Pueg Gerjan, les contes du Gargan, contes populaires
limousins. Marcelle Delpastre. Editions Lemouzi. (n°106 bis, p. 46).
.

Relevant Pages

  • =?ISO-8859-1?Q?Re=3A_Los_manga_an_j=E0_dessenhats_lu_seisme?=
    ... defòra de las invencions graficas, eu pausa las basas dau manga ... obludar los bombardaments atomics. ... dins lu silenci coupable daus vencuts, ...
    (soc.culture.occitan)
  • =?windows-1252?Q?Ses_occitanista=85_o_pas_=21?=
    ... Una escòla tenguda per daus lengadocians que pervertissen los ... l’envasidor lengadocian) per lor far perdre lo parlar vertadier de lor ... lo creador geniau daus repais de quartier mai dau Forom de las ... … per la lenga occitana! ...
    (soc.culture.occitan)
  • Re: "Benoita" de Germana Watton de Ferry
    ... Licenciòsa es una druida, donc d'una autre monde ... que los chrestian, los germains, los galles. ... suicida mas los dius daus ciaus iò visan pas coma aquò, ... resulta de mas nòtas. ...
    (soc.culture.occitan)
  • Per eschivar lo Drac et alii
    ... Vos prepause dins aqueu fiau de citar daus exemples tabirauds de chas ... Panoccitan en pas jamai respóner a p unas de las intervencions de ... Nos respondrem, si setz de bana come me, nonmas l'un l'autre e los ... laissarem s'esbramelar tant coma vòlen. ...
    (soc.culture.occitan)