Lo trobador fabulós e la cantairitz cap-pelada

Bròc a écrit:

Lo problèma es que se parlava coma acò à l'epòca de las
declinasons. Despuèi lo començament del segle XIV, las avem
abandonadas.

N'as pas jamei entenut a parlar deus "trobaires" de Marselha? (au
sègle XIX)

Segonda causa, per tant que m'i hasqui a paginavirar lo manuau de
Romieu e Bianchi, ne vei pas nada declinason en rapòrt dab çò qui
dises. D'alhors, dens "trobairitz", "cantairitz", lo sufixe -ITZ ne
pòt pas viéner d'un nominatiu latin.

Dens lo mot latin "actrix, icis" (tant per tant atestat) la sillaba
accentuada au nominatiu qu'ei la prumèra; aus autes cas, qu'ei la
segonda per'mor que la I qu'ei longa (GAFFIOT, p. 27). D'on acusatiu
"actrice(m)" > */actritse/ > actritz, dab caduda costumèra en lenga
d'Òc, de la -e finau.

Ei un tèxte del segle XV onde se dis "l'actrissa", pas per infulencia
francesa. L'autor lo parlava pas. Mas per aquela èrsa de fond de la
lenga occitana que vòu de feminins clars.

Tu n'ès pas briga clar, praubòt. Be'u volerí véder, lo ton tèxte!
En francés, "actrice" n'existí pas abans 1630.
http://atilf.atilf.fr/dendien/scripts/tlfiv5/affart.exe?19;s=2757446835;?b=0;

D'alhors que coneishem tots lo gran desvelopament deu teatre au sègle
XV. Dab la benediccion de la Glèisa.

Se ne n'as pas mentit e inventat ua fòrma "actrissa", en tot cas que
citas aqueth mot hòra de tot contèxte, e tà ua epòca on ne pòt pas
aver lo sens dont parlam. Qu'ès incompetent.

Per eisemple, dinc la lenga classica, se disia, "la jove". Agara se dis
"la jova" de pertot.

Pertot? Qu'as lo don d'ubiquitat?

"Trobairitz" es acceptable dicistant que sabem que parlam d'una causa
del passat.

En auvernhat modèrne se dis "la chantadora".

Çò qui vòu díser que't privas de la possibilitat de distinguir
enter ua cantadora e ua cantairitz. Qu'apraubeishes la lenga.

Que precisi qu'en aqueste cas que soi neutre puishque la nòrma gascon
qu'ei "actor, actora". Çò qui ne m'empacharà pas d'emplegar
"cantairitz" tà la Castafiore se devi arrevirar, un dia, Tintin.

Qu'ès en plen incompetent, praubòt. Un repepiaire cap e tot.

.

Relevant Pages