Hmoob Puas Tseg Tau txoj Kev Ua Li No ne?

Qhov Hmoob tsi muaj av "Teb Chaws" li luag lwm haiv neeg, es kom yus
muaj cuab kav siv tau Hmoob tus peev xwm ntawd puas yog li no ne.

1** Puas yog muaj lub hlwb "Twm Zeej" xav kom yus ib leeg tau noj
kheej ne?

2** Puas yog yus ua tus "Thawj Hau" loj lawm ces tsi xav kom lwm tus
txeeb tau yus ntej mus rau qhov siab li ne?

3** Puas yog xij xav ua "Fuab Tais" es yus ua tas ces yus tus tub cia
li los hloov xwb ne?

4** Puas yog yus tau ua "Tus Loj" lawm ces tsi yuav lwm tus lub suab
li ne? Es kom yus taw siab los Hmoob ntia siab, yus taw qis los Hmoob
ntsia qis no ne?

5** Puas yog yus "Tsi Tau Ua Lus Loj" ces muaj zoo tswv yim los tsi
xav qhia, muaj tsov rog tuaj los tsi xav sib pab li ne?

6** Puas Hmoob muaj "lub hlwb tias" tsov rog tuaj ncaj leej twg thaj
ces cia leej twg tua xwb es thiaj tsi muaj av ua Hmoob tug ne?

7** Puas yog leej twg muaj zoo txuj los tsi qhia rau lwm tus, nws xum
cia nws tus txuj tuag nrog nws mus ne? Thiab lwm yam .........etc

Tos hais tias luag lwm haiv neeg muaj teb chaws los, luaj txawj sib
pab tswv yim, txawj sib pab kev txhim kho, luag txawj sib pab tshawb
fawv qhov tshiab kom zoo dua qub tuaj, luag txawj muab lwm haiv neeg
li tej qauv zoo los kawm coj ua, luag paub txog txoj kev ua twm zeej
tsi ruaj qhov, yog tus thawj tuag lawm ces cia li poob ib theem rau
hauv, tej no luag tsi siv tsi ua, luag txawj npaj lub nyob tom hauv
ntej, thiab lub nyob tom qab kom ruaj khov tib yam, luag paub hlub
luag haiv neeg, luag paub txog neeg lub neej txoj kev ua neeg mas tus
pej xeem tseem ceeb dua ntais rau hauv daim av, luag paub tias tus pej
xeem yog ib tug laj kab pob zeb ruaj khov dua lwm yam tas nrho, luag
paub lub tiv thaiv co qhia luag cov neeg kom txhob muaj leej twg khag
tuaj txov txo tau luag tus cag ntsia ntuj, luag paub lub caij twg yuav
ua li cas thiaj haum rau lub caij ntawd kom yus cov pej xeem thiaj tsi
fav siab mus rau lwm txoj kev taug, luaj lub hlwb ceem luag haiv neeg
kom tawv kho ruaj siab rau luag lub teb chaws thiab haiv neeg. Ua li
Hmoob li nev yog li cas?

Hmoob tus cag ruaj ces muaj pes tsawg tus los Hmoob muab qhia rau luag
lwm tsav neeg, tswv yim yuav yeej thiab swb Hmoob qhia rau luag lwm
tsav neeg tag nrho, txog kawg laug paub Hmoob zoo, luag muab Hmoob roj
kib Hmoob txha ces tuag nrom cas cia, sib tw ua luag qhev, mus txog
twg ces sib txeeb noj li niaj hnub no ntag laid.


YTK
.