Re: Tsuv Rog

Tou, yog yug xaav paub ces kawg yuav tau moog tshawb xwb lasas. Moob
Paaj Tawg Teb yog dlaim tsom av (mirror) kws peb rovqaab pum saibseb
peb zoo le caag. Ua tuab zoo nyeem tej ntaubntawv kws tej Moob Suav
sau (cov educators) mas txhajle tau tej ntsablug txug lub neej.
PebMoob yeej muaj tug txheejtxheem zoo hab ua lub neej muaj kaab lig
kev cai. Tej laug ces muab thaam, qha, rua huv nruab yeeb hab nruab
cawv lawm xwb. Thaus coj le ntawd ces peb txhajle tsi paub tej caag
lug vim puab paub qhov kws nov hab qhov kws ua ntawd xwb. Puab tsi
paub lub hauvpaug kws tej txheejtxheem ntawd txawv lug. Yog tsi muaj
tej tub txawj (educators) ces Moob Paaj Tawg Teb yeej nkaws tsi tau
tej caag lug ntawd.

Has txug tshoob kus, qhov kws koj hastas ua le caag yuav ua nyuab ua
luaj rua tej mivnyuas kws tsi muaj nyuj tua rua namtxiv thaus puab puv
120 xyoo es ho yuav muab puab coj moog com rua ntawm tug rwg. Qhov
ntawd ces tim tuabqho kws peb has ntawm ncauj hab noj ntawm teg xwb.
Peb tsi paub tug txheejtxheem hastas, peb muaj peb hom tuabneeg: cov
muaj nyaj (paub khwv), cov muaj txaus noj (khwv noj nyog tau), hab cov
txomnyem (tsi muaj tswvyim khwv). Thaus leej nam leej txiv dlua toj
ces tej neejtsaa losyog cuab kwvtij novqaab txug tug txheejtxheem ua
neej ntawd lawm. Puab muab txujkev chim, mobsab, hab poob ntsejmuag
ntawd lug lwv xwb. Thaus puab siv tug txheejtxheem ntawd ces puab tu
tug txheejtxheem kws saib pebMoob lub qub neej thaus ntxuv ntawd lawm.

Pevtxwv le lub kaus, peb yeej thaam muaj thaam txaus txug qhov kws siv
kaus, tsi siv kaus, tog tub coj kaus, tog ntxhais muab kaus, khi kaus,
thov kaus, nthuav kaus, roog kaus le tej ntawd. Moob Paaj Tawg has le
nuav rua huv nruab ntawv, "Coj nyab los txog ntawm qhov rooj, yuav
nthuav lub kaus los roos tau tus nkauj nyab mas thiaj li txeem rau
hauv tsev."

Lawv le sob lug ntawd has, kuv noog ib tug laug neeg txug Moob teejtug
(culture), nwg hastas, lub kaus yog lub cim kws siv moog ua tshoob
xwb. Tug tub txhajle yog lub kaus kws roog tug nkauj nyaab. Dlhau
ntawd, Moob tej lugtxaj koj kuj has txug, "leej tub, leej roog' kws
yog tug tub losyog tug quasyawg. Thaus nthuav kaus lug roog tug nkauj
nyaab es le nkaag tau moog rua huv tsev yog tug txheejtxheem kws qha
tau hastas, nwg yuav roog, yuav tivthaiv, hab yuav hlub nwg tug
quaspuj.

Saib moog rua koj sob lug kws koj ua lug pevtxwv ntawd, tug txivneej
kws txonyem es roog tsi tau, tivthais tsi tau, losyog hlub tsi tau
namtais hab yawmtxiv tug ntxhais ces ua rua leej nam leej txiv "chim"
heev. Ua tsi tau le caag thaus tseem uaneej, tamsis tog txug thaus
taam simneej lawm maam le suav txim rua tug vauv losyog tej xeebleej
xeebntxwv (xeebntxiv = new life). Thaus tej nam tej txiv ua ib txheej
dlhau ib tis ces suavdlawg tsuas pum txuj kev chim xwb es novqaab txug
tug txheejtxheem uaneej ntawd lawm.
.

Relevant Pages

  • Re: koob hmoov yog txhais li cas
    ... thaum muaj ib tug laus tag sim neeg, lub caij lawv hais txiv xaiv los ... yog hais xim los yog tshuab qeej, tej tub ki pheej mus txho caug xyom ... kom tau koob hmoov. ...
    (soc.culture.hmong)
  • Re: Vietnam soldier in Laos more info....!
    ... Zoo sab hab ua tsaug kws koj ho lug tsom koj lub zeem muag rua peb suav ... Qee zag kuv los yeej xaav tau tej yaam le koj has huv qaab kawg ... Tom qaab kws kuv moog muab cov dluab saib ib lwm lawd kuv kuj ceeb laaj ...
    (soc.culture.hmong)
  • Re: Buddha lub neej
    ... Ob tug Vaaj kws taug yug lug rua huv lub nplajteb ... Kwv laam le 500 b.c. muaj ob nam txiv fuabtai India tau xeeb ib tug ...
    (soc.culture.hmong)
  • Re: Yuam Puj Nrauj, Puj Ntsuag, Ua Qhev, "Nam Ua Mov"
    ... ntaag, tug zoo, tug phem, hab tug ntxim ntxub. ... Le kuv xaav, tug zoo, tug coj noj coj ua, yuav tau saib tej ntawd kuas ... Yog tej zoo tsi quav ntsej txug puab ces kawg tug phem hab tug ntxhim ...
    (soc.culture.hmong)
  • =?windows-1252?Q?=93Lub_Tsib_Lug_Kws_Twb_Muaj_Rua_Ntawd_Lawm=94_yog_i?= =?windows-1252?Q?b_p
    ... “Lub Tsib Lug Kws Twb Muaj Rua Ntawd Lawm” yog ib phau ntawv kws xaav ... txug tej tsib lug kws muaj tseg rua txheej tuabneeg ntawd, ... txheej nraab kws yog tej pujyawm le ob-peb tam ...
    (soc.culture.hmong)