Re: Lormong Lo, two times City Council of Omaha, NE, passed away on July 19, 2011
- From: Thornspear@xxxxxxxxx
- Date: Sat, 23 Jul 2011 15:46:23 -0700 (PDT)
Tsis hais lub tebchaws twg yeej muaj rooj toj ntxas loj tis ua loj,
dav tis ua dav txog lawm tsheej rooj tsheej hav. Luag tej laus piv
txoj lus hais tias "txiv neej yawg muaj zog hov los yeej dhia tsis
dhau lub qhov ntxa ", txhais tau tias tej roob toj ntxas ntawd yog
npaj rau koj thiab rua kuv ntaag. Peb ua tib neeg nyob ces txawj yug
yuav tsum txawj tuag yog li ntawd tus tuag lawm yog mus rau qhov tau
zoo lawm xwb. Nej tus twg los tsuas pom hais txog kev tu siab rau
Laujmoos thiab pab tsev xyomcuab tu siab nkaus xwb, cas ho tsis muaj
ib tug yuav pab Laujmoos zoo siab rau nws txoj kev tau zoo hlo li? Ua
rau kuv tus laus no kuj tsis nkag siab nej cov hluas txoj kev xav tias
thaum muaj ib tug mus rau qhov tau zoo lawm es pheej tu siab tas zog
rau nws xwb no puas yog lawm? Kuv xav tias yog Laujmoos txuas lus tau
nrog nej, ntshais nws yuav cheem kom nej tsis txhob tu tu mej lub siab
tiam sis xav kom nej yuav tsum pab nws zoo siab no laiv. Kuv nco
thaum peb cov nov hlas dhau tuaj mus rau Thaibteb ho hla Thaibteb tuaj
mus rau teb chaws Asmelikas lawm, kuv tej neeg txheeb zee, tej kwvtij
neej tsa feem coob yeej nrog kuv zoo siab tias kuv tuaj dhau mus rau
qhov chaw tau zoo lawm. Cov pheej tu siab tias kuv tuaj mus rau teb
chaws Asmelikas, qhov chaw tau zoo lawm no mas ntshai xyov tsuas muaj
li 1%, cov nov tsuas yog cov tsis pom kev tom hau ntej thiab ntshai
tsuas yog cov pheej khib khib mas thiaj li tu siab rau kuv xwb. Kom
nej cov hluas nco ntsoov tias tus mus lawm yeej tsis xav thim rov qab
ib zaug li lawm, nws pom lub neej tom ntej yog qhov kaj thiab qhov zoo
tshaj li lub neej qub qab. Yog li ntawd, kuv ntseeg tias hnub no
Laujmoos mus rau qhov tau zoo lawm, nws yuav tsis nco lub neej hauv
ntiaj teb no, yog nws tig saib nws lub neej los sis peb lub nej hauv
ntiajteb no ntshai yuav zoo piv tau li ib lub pas dej qias qias neeg
uas luag pheej yuam kom nws haus los sis dhia mus rau hauv nkaus xwb.
Yog li ntawd tsis tsim nyog nej yuav tu siab rau nws lawm ov puab
hluas. Nej saib nws lub neej nyob hauv ntiajteb no nws yeej
accomplished ntau yam lawm tiam sis twb tsis piv yam nws mus tau thiab
mus txog lawm. Yog li ntawd txhob tu tu siab rau nws vim nws mus txog
qhov chaw tau zoo lawm, qhov yuav tu siab mas nej yuav tau rov tig los
txhawj xeeb nej tus kheej thiab nrhia seb yuav ua li cas nej thiaj li
yuav mus caum cuag nws xwb. Kuv tus laus no mas kuv ho zoo siab tias
Laujmoos had accomplished his mission, yog li ntawd kuv yuav tsis tu
siab li nej nawb. Mus thaum hluas uas luag tseem hlub tseem tshua
thiaj li muaj nuj nqis, txhob cia thaum leej twg los tsis xav ntsia
lawm; cov neeg npam thiab tshuav txim tshuav thuv thiaj li nyob laus
laus da nrog quav nrog zis xwb.
On Jul 22, 12:16 am, Hmong213 <Hmong...@xxxxxxx> wrote:
Tsev xyom cuab Hmoob Lauj,
Nrog nej tsev xyom cuab tu siab uas Lauj Moos tau tso nej thiab peb
Hmoob sawv daws tseg. Thov kom nws tus ntsuj plig mus txog ntuj ceeb
tsheej. Kuv tsis tau ntsib thiab pom dua Lauj Moos, tiamsis yeej hnov
nws lub moo thiab sawv daws cov members sch nyob rau lub sijhawm ntawd
yeej tau xa lus congratulation rau nws thaum nws yeej reelection
second term of city council. Yeej khuv xim yawg kawg thiab nawb.
HM213
.
- Follow-Ups:
- References:
- Prev by Date: Re: Leej twg nrhiav koj?
- Next by Date: Re: Puas Tau Hnov?
- Previous by thread: Re: Lormong Lo, two times City Council of Omaha, NE, passed away on July 19, 2011
- Next by thread: Re: Lormong Lo, two times City Council of Omaha, NE, passed away on July 19, 2011
- Index(es):
Relevant Pages
|
