Re: Tsav Nais Phoo yuav Khamtay Siphandone tus ntxhais

On Nov 25, 12:29 pm, Yaj Tshaj Koob <mutant_l...@xxxxxxxxx> wrote:
On Nov 25, 10:52 am, Victor Yang <victoryan...@xxxxxxxxx> wrote:





On Nov 25, 7:54 am, yawgnomdub <yawg...@xxxxxxxxxxxxxx> wrote:

Kuv xav tias koj yog ib tus neeg ntse no koj yuav tsi muab koj txo qis
qis li ko. Ib tus neeg luag nug yug es yug tsi teb ho yug ho muab luag
cov lus rov nug luag mas yog neeg tsi paub qab hau.

Ib tsoom phoojywg Hmoob cov hlub thiab tshua;

Kuv yog tus xub xub teb brother Victor cov lus moo cua Chav yuav
Khamtay Siphandone tus ntxhais. Khamtay Siphandone yug lub 2 hli, xyoo
1924 nyob rau Ban Houa Khong, Muang Khong, Xeev Pakse. Niam thiab txiv
hua ua Thao Nin thiab Sao Sai Boua. Khamtay Siphandone tsis muaj cov
ntxhais yau uas tseem yog hluas nkauj rau leej twg yuav lawm.  Kuv
pojniam thiab Tsav niamtais Vam Neeb Vwj yog niam laus niam hluas,
tsis tag li xwb kuv niam tseem yog Vam Neeb Vwj cov phauj.  Kuv pab
vauv Tsav zoo, kuv ntseeg tias qhov Tsav yuav Khamtay Siphandone
ntxhais tsis muaj, yog muaj tsis tas peb yuav hais, Tsav muaj kwv muaj
tij thiab cov Neo Hom yog cov yuav hais lawm.

Hais txog qhov tus phoojywg Ikili teb tijlaug Yajtshajkoob mas kuv pom
tias yog vim Yajtshajkoob xub xub tuav yawgloj tsevneeg npe, thiab
hais lawv plig.  Phem zoo los yawgloj coj Hmoob los ib ntus, phem zoo
peb yog Hmoob, phem zoo yog Hmoob Looj Hej, Hmoob niagmoos, nyob
thoojteb koomchaws, yog ib txhis neej ib txhis tsav, ib txwm sib hlub
sib pab los ntau tiam neeg. Yog luag hais koj mob kuv siab kuv tseem
yuav teb, yog luag hais kuv mob koj siab tseem yuav thaiv.

Yav tag los pheej muaj neeg lam tau lam cem Dr. Yang Dao.  Yog li; lub
8 hli ntuj, 2007, cov thawjcoj ntawm tsevneeg Hmoob Yaj peb thiaj tau
sib tham nyob Saint Paul, Minnesota.  Peb thiaj xa ib pab sawvcev
(Col. Tub Looj Yaj, Dr. Neej Zoo Yaj, thiab Yaj Eev) lawv mus nrog cov
thawjcoj ntawm tsevneeg Hmoob Vaj tham.  Muaj ib nqe lus tham yog tham
txog tej lus uas pheej muaj neeg cem Dr. Yang Dao, cov thawjcoj ntawm
tsevneeg xeem Vaj hais tias lawv mam xyuas. Txij hnub ntawd los tsis
muaj neeg cem Dr. Yang Dao lawm.

Yog hais tias yawgloj ua yam twg tsis zoo yeej meem sawv tsees hais li
Col. Lis Tub Pos thiab Dr. Vaaj Sawm Vaamyig nkawd hais. Yog lam tau
lam cem tsis tau.  Nco ntsoov yawgloj (VP)muaj ib pab neeg (ib pab
pejxeem), yog leejtwg sawv los coj Hmoob yawgloj pab neeg tsis txhawb
yeej mus tsis tau, thiab mus tsis txog qhov twg.  Vim li no thaum
yawgloj rooj plaub kuv thiaj hais rau Paula Yang thiab Dr. Soua Yang
lawv hais tias, yog leej twg xav ua Hmoob nom kav tsij pab hais
yawgloj rooj plaub, thaum cov Neo Hom ntsib teebmeem yeej meem pab,
thaum koj pab koj tso thiab koj cawm lawv lawm lawv thiaj yuav tsa tes
rau koj, thaum teebmeem txog koj los lawv thiaj yuav pab koj.

Hmoob sib tawg txaus lawm, thiab txog caij Hmoob rov los sib sau
lawm.  Yog tijlaug Yajtshajkoob muaj ib pluag qab, yawgloj (VP) tsis
tuaj mas tijlaug Yajtshajkoob yeej tsis noj.  Yog kuv ho muaj ib pluag
qab los yeej xav kom koj/nej tuaj nrog kuv noj, yog nej ho muaj ib
pluag qab los yeej xav kom caws kuv tuaj koom. kom tsim nyog qhov peb
yug los ua ib tug Hmoob, Hmoob Amelicas peb yog lub teeb ci rau Hmoob
ntiajteb pom kev, Hmoob ntiajteb tos thiab ntsia ntsoov Hmoob
Amelicas.

Nco ntsoov tsis yog Hmoob Amelicas thiaj tuaj hauv SCH no xwb, peb cov
Hmoob Thaib, Hmoob nplog, Hmoob Nyablaj, Hmoob Suav lawv yeej tuaj
hauv SCH no, cov Nplooj Tsawb los puav leej tuaj tib yam.  Yog li; tej
yam peb tham thiab peb hais thov hais tej yam kom zoo, raug ntsej raug
muag, kom pab tau peb mus ua neej thiab kom luag txhob thuam peb peb
Hmoob.

Victor Yang

Kwv Victor Yang,

Nyob rau hauv koj cov lus koj hais yeej zoo rau koj thiab qhov kev xav
ntawm koj tus kheej lawm, kuv xav tias koj yuav paub zoo lawm hais
tias VP lawv pab team no ua ntej Vp tsis tau ntsib teeb meem raug
plaub mas tsis muaj leej twg hais tau ib los lus txog txoj kev yuav
txhim qho Hmoob mus rau lub neej tshiab nim no li. Kuv ntseeg hais
tias tab txawm leej twg pab cawm dim lawv rooj plaub los lawv yeej
tsis ris nej txiaj ntsim ib zaug li. Xyov koj puas paub txog VP lub
niam tswv yim ua political zoo, VP lub hom phiaj uas loj tshaj rau
hauv nws tus kheej ces yog VP yeej paub tias VP laus lawm, nws ua tsis
tau dab tsis yuav zoo dua li yav tag lawm, VP yuav siv caij nyoog los
cob qhia nws ib ob tus tub saib seb Hmoob puas poog, xws li thaum xub
thawj ces yog siv Txoov Vaj mus lis dej num nrog Hmoob, VP sim ib ntus
zoo li ua tsis tau num pes tsawg, ces dhau ntawd los VP thiaj cob
thiab coj Tsav Vaj nrog nraim VP kom hais tias yog thaum twg tsis muaj
VP lawm ces kom VP ob tug tub ntawd ib tug los coj peb cov Hmoob, kom
VP tsev neeg mas tsis txhob poob lub taub hau hauv tsev neeg Hmoob li
ntag, thaum VP muab Tsav Vaj los nrog VP los zoo li tsis muaj neeg
nyiam Tsav Vaj xyaum muab hlob heev, ua rau VP pab team kiag los twb
tsis nyiam tsav qees. Dhau ntawd los thaum VP tawm tom nkuaj rov los
VP thiab tsav lawv cov txiv tub rov dag Hmoob dua ib zaug ntxiv tias
nplog pom zoo kom VP rov qab mus txhim teb kho chaw hauv nplog lub teb
chaws, Koj pom VP hais li cas VP hais tias VP tso tsav mus xyuas tag
los-los zoo li VP tsis ntseeg Tsav Vaj tsam yog dag, ntaus nqi li
ntawd, mas VP tus tub ntxawg uas tsis tshua hais lus ntau ntau ntawd
mas nws hais ab tsis mas yog ab tsis ntag, mas cia tso tus ntawd mus
xyuas nrog nplog tham kiag kom tau qhov tseeb, ces thaum nws tus tub
ntxawg ntawd mus ntsib nplog tag lawm mas txhais tau tias txhua yam
muaj tseeb lawm tsis dag, rau qhov tias nws tus tub ntawd mas tsis yog
neeg dag, VP cov lus hais ntawd yog cov txawj mloog ces VP twb muab
Tsav Vaj rhuav ntsej muag tias Tsav yog neeg dag lawm, thiaj tso tus
tub ntxawg mus xyuas qhov tseeb dua ib zaug ntxiv. Tag nrho cov lus VP
cov txiv tub hais lus zaum ntawd puav leej yog hais dag kom tau nyiaj
ntawm Hmoob coj mus siv xwb, Nej puas pom Tsav Vaj hais li cas, Tsav
Vaj hais tias yog nej tsis ntseeg kuv los kom nej ntseeg VP yog Hmoob
tus phab ej nyob ntawd, Tsav hais lus thiab taw tes rau Tsav txiv li
ntawd nej puas ntsia pom tseeb.  Mas tab txawm peb Hmoob leej twg muaj
zoo lub laj lim tswv yim zoo npaum cas los, VP yeej tsis yuav nws hais
li nawb, VP yeej tsis xav txog tias tsuav yog Hmoob lawm ces txawm
yuav yog lub xeem twg, pab pawg twg tau los ua tus coj Hmoob los yeej
zoo li sawv daws xav. Qhov kev VP cov txiv tub ua zaum no los puav
leej yog dag.

Kuv xav pom koj coj thiab ua zoo zoo rau lawv pab team, seb lwm hnub
muaj caij xaiv tus thawj coj Hmoob, kuv kom koj kiag yog ib tug mus
nyob rau hauv txoj kev xaiv tus thawj coj Hmoob tag nrho ntawd seb
lawv puas pov npav rau koj kom koj tau nawb. Qhov lawv yuav los pov
rau koj mas xyov puas txog 1% nav, vim lawv tsis xav kom lwm tus los
ua lawv tus nom li. Tus yuav los pov rau koj ces yog kuv xwb ov.

Hmoob sib tawg txaus lawm, thiab txog caij Hmoob rov los sib sau
lawm.  Yog tijlaug Yajtshajkoob muaj ib pluag qab, yawgloj (VP) tsis
tuaj mas tijlaug Yajtshajkoob yeej tsis noj.  Yog kuv ho muaj ib pluag
qab los yeej xav kom koj/nej tuaj nrog kuv noj, yog nej ho muaj ib
pluag qab los yeej xav kom caws kuv tuaj koom. kom tsim nyog qhov peb
yug los ua ib tug Hmoob,

Koj cov lus hais yog kawg, peb cov tawm tsam kev tsis ncaj ncees no
mas txawm yog xav kom Hmoob los sib pab sib koom ua ke thiaj tsav hais
ua luaj no, kuv ntseeg hais tias VP yuav tsis tuaj koom koj ib zaug,
yog VP yuav tuaj koom koj ces Hmoob lub 30 caug Minneapolis metrodom
twb caws VP 2-3 xyoo ua ke VP twb tsis tuaj kom nej ces nej thiaj tso
tseg tsis caw VP tuaj ntxiv lawm raws li kuv soj ntsuam tau mas yog
li. VP ib txwm yeej tsis kk Hmoob li nws k nws tsev neeg xwb, dhau
ntawm nws tsev neeg lawm ces VP tseem xav kom Hmoob mas mus mag tuag
uas pawg ua lug kom VP tau chaws coj mus hais dag tsoom Hmoob tias
yuav thov nyiaj coj mus daws tso tej plaub ntawd kom tau tsag pheeb
nrhiav noj.

.............. Hmoob Amelicas peb yog lub teeb ci rau Hmoob
ntiajteb pom kev, Hmoob ntiajteb tos thiab ntsia ntsoov Hmoob
Amelicas.

Kuv ntseeg tias Hmoob meskas lub teeb mas ci liab pliv, tsis pom kev
mus txog qhov twg li nawb, Hmoob ntiaj teb tau hais tias Hmoob meskas
mas tsim teeb meem rov rau tsoom Hmoob nyob nplog teb, thaib teb, suav
teb, nyablaj teb, lawv hais tias tsis tau pom dua ib cov neeg yuav dag
npaum Hmoob meskas li lawm, tuaj mus rau cov teb chaws muaj Hmoob mas
yeej tsim teeb meem ua ntu zus rau lawv tej tub tej ntxhais, rau tej
neeg laus huv tib si, nyob hauv nplog teb mas cov Hmoob meskas tseem
muaj plhu tshaj cov Hmoob nyob txum tim hauv lawm thiab no, Hmoob
meskas tseem mus ua plaub ntug loj rau tim nplog ntau rooj, yog leej
twg tsis ntseeg nug tau rau Charlern Cha Her law making tau.

YTK- Hide quoted text -

- Show quoted text -


Tijlaug Yajtshajkoob;



Ua tsaug rau koj cov lus teb. Peb lojhlob nyob rau lub society uas
txiv ua tag tub ua, txawm yog Huabtais Nplog, Tiao Souvanna Phouna,
Gen. Vang Pao, Col. Soua Yang, Chao Moung Youa Tong Yang, kuv yawg,
kuv txiv thiab lwm tus los yeej xav kom tag txiv ces tub yog tus coj
thiab tus kav. Ua neej nyob leej twg los yeej xav kom tej tub kis
tsim txiaj, mloog lus, ntshaws kom lawv tau ua luag nom luag tswv, ua
luag thawj coj noj coj ua, zaum tau luag hauv rooj, noj tau luag haus
qav, thiab hais tau luag hauv lus. Vim li no niamtxiv tuag Hmoob
thiaj nrhiav looj mem, thiab ntiav txiv coj xaiv foom ib los lus zoo
rau tej xeeb leej xeeb ntxwv nyob tom qab. Hmoob fwv nyuj yog fwv los
sib nraus, Hmoob tu tub tu kiv yog tu los ua nom ua tswv.

Ntawm yawgloj, yawgloj yeej ntshaws kom nws cov tubkis tsimtxiaj yog
li nws thiaj xa nws cov tub: Vaj Txos (Francoi) thiab Vaj Ntxawg (Paul
or Nom Tub tub tuaj mus kawm ntawv rau Fabkis teb ua ntej xyoo 1960
lawm. Xa Vang Chong, Vang Chue, Vang Thao thiab Vang Sisouk lawv tuaj
kawm ntawv rau USA no. Xa Vang Chi (Chi niam me), Vang Lao Lee (Vang
Lia or Paj Vws tub), thiab cov yau coob tug yeej tuaj mus kawm ntawv
rau Thaibteb tag. Xyoo 1974-75 Vang Chi mam rov los kawm nyob Lycee
Vientiane. Yawgloj txoj kev ntshaws yeej ntshaws kom nws cov tub ib
tug los taug nws hneev taws thiab los coj Hmoob lawm yav tom ntej.


Tag yawg Phaya Tub Npis Lisfoom cov tub, Col. Neej Tswv Thoj thiab
Col. Thoj Cai lawv cov tub, Col. Tub Lwj Muas thiab Col. Txawj Pov
Muas lawv cov tub, Col. Txoov Tswb Yaj cov tub thiab tag Hmoob txhua
tug yeej rau siab ntso nrog luag kawm ntawv thiab sawv daws yeej tuav
raws sawv daws tej menyuam tej pob ntseg kom rau siab kawm ntawv.
Txawm yog tam sim no cov tub nom ntxhais tswv kawm tsis tau ntawv zoo
li peb cov pejxeem los txhob thuam thiab txhob luag.

Hmoob ua tsis tau tebchaws thiab kub tsis tau xaj twb vim yog sawv
daws siab me, xam khib. 1985 peb cov Nplog/Hmoob uas poob tebchaws
tawg ua 24 pawg. Koj tsis haum kuv, kuv tsis haum koj, Neo Hom los pom
Neo Hom tus kheej, Chao Fa los hais Chao Fa pab, Kong Le los hais Kong
Le pawg. Koj nrhiav tshuav kev txo kuv, kuv nyas ntxhws yuav txo koj,
Hmoob tus yeej ncuab zaum tsaws luag Hmoob.

Yog Hmoob tsis sib kho sib hlub ces qhov Hmoob yuav muaj teb muaj
chaws ua npaus suav tseem tseeb tshaj. Gen. Vang Pao kawg yuav tsum
tuav Hmoob tes, Hmoob feem coob pom li cas yuav tsum ua li ntawd. Cov
Chao Fa los kawg yuav nrog cov Neo Hom cog phoojywg, cov Neo Hom los
kawg yuav tau cog phoojywg rau cov Chao Fa, 2 lub position tseemceeb
ib lub yog Neo Hom lub, ib lub yuav tsum yog cov Chao Fa lub.

Thaum kawg tijlaug Yajtshajkoob thiab yawgloj yuav tsum haus caws
tsoos kho rau peb saib mas thiaj tag.




Victor Yang
.

Relevant Pages

  • Re: Va-Megn Thoj of St Paul Mayors Office--Zero Credibility.
    ... TIAS tsi tau yog nom yog tswv es nim qhuav tau lub mi npe mus nyob rau ... nws tsis zoo li nej cov ntawm koj es ... yuav muab nej tawb quav npog cia kom tswv rau txhua tus hmoob. ... tsis tseg mas kuv xav hais tias tsis ntev tom ntej no nej tseemyuav ...
    (soc.culture.hmong)
  • Re: Xov Xwm Hais Txog Laura 2 DD PXX Tsw Lwj
    ... ntsim siab thiab ntsim plawv. ... yog muab hais los ces yeej yog li koj ... yeej yog peb cov tim no, sub cov kwv tij Hmoob tid thiab ... tsis tau yog laura/Nkaujnyiag tus kheej los kuj tsis paub, tawm sis, ...
    (soc.culture.hmong)
  • Re: Va-Megn Thoj of St Paul Mayors Office--Zero Credibility.
    ... TIAS tsi tau yog nom yog tswv es nim qhuav tau lub mi npe mus nyob rau ... nws tsis zoo li nej cov ntawm koj es ... yuav muab nej tawb quav npog cia kom tswv rau txhua tus hmoob. ... tsis tseg mas kuv xav hais tias tsis ntev tom ntej no nej tseemyuav ...
    (soc.culture.hmong)
  • Re: Csy0 Txawj Qhuas Neeg
    ... Fajkhaum, kuv yog Kajliag na. ... Cas tsis paub li. ... Kuv tsis paub hais tias Dr. Ly Pao lawv ho los tshaj tawm xov tooj cua ... fwv nplog tsis tau report txog lawv cov human rights thiab kev coj noj ...
    (soc.culture.hmong)
  • Re: Hmoob Mojthem xuvtooj cua
    ... tiam si, tham txog "phom" no mas, yog koj xav tias zoo mloog thiab tau ... Twb xav tau cov neeg ntse li koj thiab B2B nej es thaum twg qha hlo ib ... Mekas dub yeej yog neeg tabsis lawv twb tsis hais lub dub lawm. ...
    (soc.culture.hmong)