Re: Give Me Your Best Recipe

On Oct 18, 4:41 pm, kuamemiab <lwjs...@xxxxxxxx> wrote:
Xyoo no kuv thiab kuv tus maiv wb tua tau ob-peb tug nastxheeb,
nasncuav, thiab nashoojtwm.  Kuv muab dej rhaub, hlab, thiab muab dob
tag mamli phlov kom dajj ua rau tus nas dajrhuv tsw qabrog ntxiag
mamli muab vacuum cia lawm.  Nej leejtwg paub ua nas noj no muab koj
qhov recipe sau qhia rau peb tau ua nas noj seb.  Yog leejtwg daim ua
tau qabtshajplaws, rawsli kuv saj, kuv mamli muab ob tug qha thiab
xakiag rau nws ua khoomplig.  Tosntsoov yuav saj koj qhov recipe.

Thov uatsaug uantej'ov.

Pheejxeeb,

kuamemiab

Phoojywg Kuamemiab,
Piav li koj piav ces ntshe koj twb muab qhov qab pov tseg tag lawm os.
Koj cov nas ces ntshe tuag dawb xwb lau! ha ha ha.... (joke)

Kuv qhov recipe ces ntshe twb yog qhov koj niaj hnub ua noj thiab xwb
os. Tabsis lam hais seb puas txawv zog koj qhov nawb.

1. Nqaij nas - 2 tug. Tseev kom huv li koj piav los ntawd.. Thaum koj
phais, ua twb zoo phais kom tsis txhob rau plab raug nyuv li. Thiab
tsis txhob muab dej yaug lub nruab nrog cev li nawb. Muab txhoov ua
tej daig luaj li ob nti tej. Muab cov pobtxha tav lauj tawm kom thaum
noj thiaj li noj tau yoojyim. Yog khaws tau cov nyuv mos, cov siab,
cov plawv, cov raum thiab mas hajyam qab. Muab cov nyhuv mos thiab cov
plabplaw no ntom kom mos mos. Yog nyiam los luas cov nqaij ntshiv kom
ntau li ntau tau los tsuav kom mog zog los hajyam zoo.

2. Txujlom:
Qhiav - 1 nti (muab tsoo tsoo thiab suam kom me me)
dos - 2 tsob (Muab suam suam thiab cais cov nplooj thiab cov hauvpaus
dos)
zaub txhwb qaib - 2 tsob (muab de kom me; cais kav cais nplooj)
tauj dub - 2 lub hauv paus (muab tsoo tsoo)
zaub txhwb nyug - 2 rev (yog nyiam) (muab de kom me; cais kav cais
nplooj)
qij - 2 lub (yog nyiam) (muab tsoo thiab suam kom me)
pumhub txawm - 2 res lossis 4-5 lub ntsis (muab de de kom me)
pumhub tuaj pos - 4-5 nploog (muab suam suam)
txujlom ntshav ciaj - 2 rev lossis 4-5 lub ntsis (muab de kom me; cais
kav cais nplooj)
zaub txigtheem - 2 rev lossis 4-5 lub ntsis (muab de kom me; cais kav
cais nplooj)
kua txob liab ntsim - 4 lub (Tso kheej, thaum hau siav, tais twg nyiam
ntsim mam muag paim rau xwb, tsam tej tug noj tsis taus ntsim)

3. Rojntsev:
ntsev - rau me me kom qab nplim nplig xwb (kev rau kev saj)
nabm pas - hliv 2-3 nchos kom qaib li yus nyiam (cavfaj tsam lub qhov
loj loj ces ho ncho tau ntau zog lawm od)
pebgnuan - rau me ntsis li yus nyiam
roj zaub - 1 dia

Lus taw qhia:
1. Rauv taws kom cig ib nrab (Set at # 8 if electrical stove)
2. Teeb lauj kaub thiab hliv ib dia roj zaub rau (vegetable oil is
recommended).
3. Tos rom kub ces muab qij, qhiav thiab cov hauvpaus dos hliv rau
thiab do kom tsw qab ntxiag thiab kom hauvpaus dos tuag zog.
4. Hliv cov plabplaw thiab nyuv nas rau. Do kom tsis txhob khub qab
laujkaub. Tos kom dawb vog ces mam hliv cov nqaij nas rau.
5. Thaum cov nqaij nas siav dawb vog ces hli ob khob dej rau, thiab
rau taujdub, thiab cov kav txujlom rau.
6. Rau ntsev, pebgnuan, thiab nabmpas me ntsis rau (tsis txhob tso
ntau ntau tsam daw lawm)
7. Muab do do thiab muab hau laujkab npog rau; thiab cia hau hauv qhov
cub li 20-30 minutes mam li saj.
8. Saj seb puas qab ntsev, nabmpas thiab peebnuan; yog tsis qab no mam
rau ntxiv, yog daw lawm no txhauj dej ntxiv thiab tos kom npau npau
mam tsaws.
9. Thaum tsawg kiag ces mam rau cov nplooj txujlom rau. Muab do do ces
rov muab lub hauv vov rau.
10. Daus los noj lawm xwb tiag. Noj ntxuag mov npluam lossis mov txua
tsw ha thiab mas thiaj tsim nyog qhov uas yus sawv mos muag tsi los
tua moo nrov puag thaum 3:00 AM thiab los npaj mus yog od!

Lam sim seb puas qab nawb. Txawm qab thiab tsis qab los tsis tas xa
nas qhuav tuaj od, vim kuv los taubyees twb tsis muaj chaw ntim nqaij
nruab nrag lawm thiab.

HL
.