Re: Hmoob cov tub txawg tsis tau hauj lwm
- From: Yaj Tshaj Koob <mutant_loft@xxxxxxxxx>
- Date: Thu, 22 Apr 2010 05:46:15 -0700 (PDT)
On Apr 21, 9:12 pm, Victor Yang <victoryan...@xxxxxxxxx> wrote:
On Apr 21, 2:49 pm, phwvnyawm <phwvnya...@xxxxxxxxx> wrote:
Tij laug Yajtshajkoob,
Koj hais txog kuv 4 nyuag kwv tij no ces cia li cem kuv los tau lawm
nawb......yog ua qhov twg tsis zoo naj......Kuv ho tsis tau nrog lawv
tham txog zaj no.......kuv kuj tsis paub paus rau ntsis thiab
os........yog koj hais lawm ces yeej yuav tsum muaj me
ntsis.......tiam sis koj yuav tsum to taub tias dab tsis los yuav tau
siv nyiaj.......niag ua haujlwm pab hmoob xwb ces yuav mus tsis tau
raws li koj lub siab xav.Dr Lee Pao ces peb yeej ib txwm nyob ua ke
puag tim Nplog tuaj,tuaj rau rooj teb no los yeej nyob ua ke,Dr Keej
Fwm nws lub npe tsis yog li koj hais thiab kwv Victor hais( Keeb
Hwm,Kang fw) nws yog peb txiv ntxawm Xaiv Qiam tub......peb ib txwm
nyob ua ke hauv Long Beach.Dr Soua mas kuv yeej tsis tau-au ntsib nws
dua tiam sis yeej paub tias nws yog yawg Vam Kaim do hau lawv tsev
neeg...... hos tij laug Yaj Cib ces nws twb yog kuv tus nai khu qhia
ntawv rau kuv thaum nyob hauv Vees Cas nad.......koj yuav tau ua zoo
qhia lawv txhob cem-m thiab nawb.....es koj puas tau hu xov tooj nrog
kiag lawv tham maj? kuv muaj Dr Lis Pov , Dr Soua thiab Dr Keej Fwm
lawv telephone tib si yog koj xav tau kuv mam xa rau koj es koj ho hu
nrog kiag lawv tham saib.
Sib ntsib dua.
Phwvnyawm;
Phwvnyawm;
Koj puas yuav tuaj koom yawmyij Tswv Zoo Xyooj lub ntees nyob
Minnesota rau thaum May 7-10, 2010 yuav los no? Yog koj tuaj no kuv
mam coj koj mus ntsib Dr. Shoua Yang, tam sim no Dr. Shoua wb rov los
khiav YWMA-USA ua ke, kuv yog tus Director of Education ho Dr. Shoua
yog tus Director of Public Relation. Dr. Lee Pao Yang mas kuv yeej
paub yawg thaum yawg kawm ntawv nyob College Samthong ua ntej yawg
yuav tuaj mus kawm Seconde nyob Dong Dok lawm. Yang Chee thiab Dr. Ly
Pao Yang yog ob tug uas sib hlub tshaj, nkawd ib tug yeej tseg tsis
tau ib tug li, tej lus tijlaug Yaj Tshajkoob hais tej zaum yuav tsis
muaj. Ntawm Dr. Kang Fue mas kuv tshuas paub li kuv sau no xwb, vim
thaum peb YWMA-USA Celebrate cov tub kawm ntawv Hmoob Yaj nyob Golden
Colorado xyoo 1990 mas Kang Fue tseem kawm Senior nyob California
State University-Long Beach, 1991 yawg kawm tiav B.A. thiab mus kawm
tiav M.D. nyob Ross University Medical School nrog Dr. Peter Thai
Yang, thiab Dr. Kevin Kou Yang rau xyoo 1995 los kuv tsuas paub Dr.
Kang Fue Yang xwb.
Tej zaum ob hnub no tijlaug Yaj Tshajkoob siab tu lawm. Txawm li cas
los txoj kev sib txawb zog yog ib yam tseemceeb, Hmoob yuav zoo yuav
tsum yog Hmoob rov pab Hmoob, yog Hmoob pab Hmoob, Hmoob txhawb Hmoob
lawm luag thiaj yuav saib tau Hmoob. Teg haujlwm pab Hmoob Dej Dawb
raws li kuv paub cov US Congress coob tug twb sau ntaus tsab ntawv mus
rau Tseemfwv Thaib, State Department, UNHCR, cov koom haum NGO, thiab
koom haum Hmoob ntau lub yeej hais kawg lawm, txawm li ntawd los thaum
kawg Thaib tseem xa cov Hmoob Dej Dawb rov qab tag. Yog Hmoob tsis
hais es peb 2-3 tug caiv plawv hais xwb kuv xav tias yuav tsis sawv.
Lub caij no yog lub caij peb tig rov los npaj peb lub neej, txhawb peb
tej tub tej kis kawm ntaub kawm ntawv kom peb txhua tug niam, txiv,
tub, nyab, ntxhais, thiab vauv tiav College or University txhua tug,
kom txoj haujlwm zoo, txoj haujlwm sib thiab tau nyiaj ntau kom peb
tau nrog luag ua.
Kuv hais li no vim kuv pom hais tias txhob yog tawgrog mas cov zoo li
koj, kuv, peb yuav tau tuaj tsuj Amelicas daiv av, tuaj kawm Amelicas
tej College University mas ua npau suav tseem tseeb tshaj. Vim ua
ntej 1975 peb cov kwvtij Hmoob Yaj yeej tsis muaj ib tug tuaj kawm
ntawv nyob rau US no. Xyoo 1974, txiv ntxawm Yang Chee xeem tau thib
1 tuaj kawm ntxiv rau University of Hawaii, Tseemfwv Nplog twb tsis
pub Yang Chee tuaj.
Ua tsaug;
Victor
Kwv Victor,
Tej uas kuv tau hais dhau los lawm tej zaum koj yuav tsis ntseeg tab
sis yuav kom qhia tau tseeb tshaj mas, peb nug Yang Chee mas thiaj li
yuav paub zoo.
Nyob li Dr. Shoua Yang mas yawg hais tau cov lus yeej siv tau li lawm
ntag tab sis yog hais tau lawm yuav tau peb, yus tsis txhob dag yus
tus kheej, nyob li lawv peb tus Dr. twb tau hais txog kev yuav txhim
kho Hmoob tej kev noj peb caug thiab ntau yam mas yeej hais tau yog
lawm tab sis tsis ua li thiab, yog yus tsis tau pib mas tsis txhob
muab tham ntau ntau rau Hmoob hnov thiab.
Dr. Shoua Yang yuav tsum tau paub txog hais tias nws twb yog ib tug
Assistant Professor of Political Science, UCSU. mas yawg yuav tau
xyuam xim kev hais lus kom luag saib yus cov lus muaj nqis thiab,
thaum ntev mus yus thiaj tsis tau lub npe dag, yog tias yus hais lus
txog kev txhim kho ntau zaug, ntau xyoo mus tsis ua tsis pom qhov uas
yus tham tham tshwm sim li ces, luag lwm tus hais tias yawg dag lawm,
thaum uas ho muaj tej qhov num zoo yuav los sawv cev rau Hmoob los,
lwm tus yuav hais tias tsis txhob cia rau yawg ntawd los ua tes dej
num yuav khiav tsis tau rau Hmoob li no.
Kuv mloog Dr. Shoua cov lus yeej tseem ceeb kawg lawm thiab, mas xav
kom nws tus kheej yuav tau pib ua ntej mos tau zoo lawm mas lwm tus
Hmoob thiaj yuav los koom nrog.
YTK
.
- Follow-Ups:
- Re: Hmoob cov tub txawg tsis tau hauj lwm
- From: Mouatony
- Re: Hmoob cov tub txawg tsis tau hauj lwm
- References:
- Hmoob cov tub txawg tsis tau hauj lwm
- From: Yaj Tshaj Koob
- Re: Hmoob cov tub txawg tsis tau hauj lwm
- From: phwvnyawm
- Re: Hmoob cov tub txawg tsis tau hauj lwm
- From: Victor Yang
- Hmoob cov tub txawg tsis tau hauj lwm
- Prev by Date: Re: Rau Nres Ibsabntuj
- Next by Date: Re: Rau Nres Ibsabntuj
- Previous by thread: Re: Hmoob cov tub txawg tsis tau hauj lwm
- Next by thread: Re: Hmoob cov tub txawg tsis tau hauj lwm
- Index(es):
Relevant Pages
|
