Lub suab Moob thiab Hmoob los qhov twg los?

Cov phoojywg txhua tus,
Vim peb pheej sib cav txog Moob thiab Hmoob tsis xaus li, kuv thiaj
rov tawm dua ib lub rooj ncauj lug tshiab rau peb tham seb sawvdaws
lub siab puas nqig xwb. Yog leej twg muaj zoo tswvyim los ho hais tawm
los rau peb sawvdaws xav thiab mam muab sib cavpem nawb, tabsis tsis
txhob take serious od, txawm hais yog thiab tsis yog los nws yog tus
hais ntawd lub tswvyim thiab txoj kev xav xwb.

Peb sawvdaws yeej muaj lus nug li nram no:

Peb txhua leej txhua tus yeej lees hais tias peb yog tib haiv neeg
xwb, tabis vim li cas peb ho hais lus sib txawv me ntsis thiab ib cov
hu yus tus kheej ua "Hmoob", hos ib co hu yus tus kheej ua "Moob" no?

Cia kuv piav kuv li kev xav ua ntej:

Thaum kuv nyuam qhuav tuaj txog US no mas cov tub/ntxhais hluas nyob
teb chaws Memkuj no hais lus kuv yeej mloog tsis raug hlo li. Kuv
ntseeg hais tias nej coob leej yuav zoo li kuv thiab. Peb twb pom kiag
ntawm qhov muag hais tias, peb cov me nyuam hluas Moob uas nyob rau
Miskas no hais lus mas cov Moob nyob Nplog thiab Thaib yeej tsuas to
taub txog li 80-90% xwb. Hos cov menyuam hluas Moob nyob Nplog/Thaib
teb hais lus los cov menyuam Moob nyob Miskas no yeej tsuas to taub
80-90% lawm xwb. Tej no twb yog vim peb cov lus tau hloov pauv raws
lub techaws uas peb nyob ntawd lawm.

Qhov uas Moob Dawb thiab Moob Lees hais lus sib txawv me ntsis los vim
yog txoj kev sib nciam, nyias mus nyob nyias ib qhov thiab ho mus
txuam nrog lwm haiv neeg li twb hais los saum no lawm. Muaj tej lo ces
lawv nyiam hais raws qhov ncaj thiab yoojyim ces cia li txawv zog lawm
xwb. Hos tej lo ces cia li hais tawm lub suab si zog lawm.

Piv txwv li no: (Tsuas yog kuv lam pivtxwv xwb nawb, tejzaum nws ho
yog the other way around)

lub kos (original), lub xaab cum (txuamyuaj lus Suav)
txiv (original), iv (simplified)
dlej (original). dej (simplified)
moog (original), mus (evolved), pais (txuamyuaj lus Nplog/Thaib)
us (original), os (evolve)
Hnoob (original), Hnub (evolved), nub/noob (further evolved)
Puj (original), pog (evolved)
Yawm (original), yawg (evolved)
Hmoob (original), Moob (simplified)(See elaborations bellow)

Yog yuav lam sib cav uasi (don't take serious) mas kuv tseem xav hais
tias lub suab "Moob" no mas yog lub suab tshiab lawm xwb, vim cov neeg
lawv nrog nyob hais tsis tau meej meej ua "Hmoob" ces ntev mus ntev
tuaj thiaj cia li hais raws lawv ua "Moob" lawm xwb. Qho kuv hais li
no mas cov neeg feeb coob (majority) li Nplog, Thaib, Suav, Nyablaj
uas Moob nrog nyob yeej hais tsis tau lub suab meej meej hais tias
"Hmoob" no li; Lawv yeej tsuas hais tawm lub suab "Moob" no xwb. Thaum
ntev mus ntev tuaj ces thiaj cia li hloov txauv los ua "Moob" no lawm.
Nyob rau tebchaws no, Miskas yeej hais tsis tau lub suab meej meej
hais tias "Hmoob" no li thiab, lawv yeej tsuas hais tau lub suab hais
tias "Moob" no xwb. Yog li ntawd peb cov me nyuam Moob Dawb kiag los
coob tus yeej cia li nyiam siv lub suab "Moob" no lawm xwb. Kuv ntseeg
hais tias 100 xyoo tom ntej no, yog tseem tshuav cov txawj hais lus
Moob nyob Miskas teb no los ntshe cov coob yeej tsuas siv lub suab
"Moob" no lawm xwb. Txawm li ntawd los peb yeej tseem yog haiv neeg
qub, yeej tsis tau hloov mus ua lwm haiv li. Tejzaum, cov uas nyob rau
yav ntuj qub qab los yeej yuav hloov tibyam nkaus.

Yeebvim li no, kuv thiaj hais tias cia peb compromise, siv lub suab
"Moob" tabsis sau ua ntawv Askiv ua "Hmong". Khawv tus "H" no ua dab
neeg hais tias yav thaum ub peb lub npe yeej hais tawm lub suab "H" no
thiab.

Nej li kev xav ne ho txawv li cas,

HL
.

Relevant Pages