Hmong History. Vim li cas vaj tub tua lis choj, txawj toog vwj tua txooj kuam vwj hauv looj ceeb.

Ib tus leadership tswj ib pawg tub rog tsis meej pem, hais lus cais
tsis muaj quag, hais tsis ruaj, hais tsis tam keeb tu kuas, Hmoob
tej xov nom me thiaj sawv sib tua, tus thawj coj coj phem siv rab
ntsis phom ua txoj cai, thiaj cob tau cov xov hom me coj phem li nws
thiab, vim txoj kev ua nom tub rog tsis kawm kom tiav kev ua tus coj
peeb zeej, yuav hlub ib tsoom peeb zeej uas mus tiv txov rog tom hauv
ntej, tsuas khav lub hwj chim kev tua neeg, lis choj yog ib tug nom
tub rog me uas xyaum tau vp lub tswv yim phem tsis saib xyuas qhov
tseeb txoj cai ua neeg, lis choj lub tswv yim mas coj tsis txawv vp
lub, leej twg uas yog cov xov nom thiab peeb zeej uas lub xab me dua
nyob hauv qab lis choj kev tswj hwm leej twg tuaj ntsib lis choj hais
ib ob lo lus xwb txhua tus twb mag lis choj ncaws ntau, vp yeej hnov
tej no tas tib si los vp yeej tsis hais tsis muaj ib txoj cai peeb
zeej los taw qhia tias tus tsim nyog ntaus nyob qib twg tus tsim nyog
tua nyob qib twg li, Tsab hawj yog ib tus tub rog tawv nyob tom
tshav rog tas li, lis choj yeej tsis thov xab nce qib rau Tsab hawj
li, Tsab hawj tau rov los looj ceeb los thov xab nce qib vim cov xov
nom li Tsab hawj uas nyob hauv qab lis choj kev tswj hwm, lub sij hawm
ntawd vaj tub yog ib tus peeb zeej, los yog kav dawm kuaj ntawm Tsab
hawj, nkawm thiaj mus thov xab nce qib theem, tab sis ua ntej nkawm
yuav mus Tsab hawj tau hais rau vaj tub hais tias yog wb mus zaum no
mas ua cas los ntshe lee choj yuav ntaus kuv xwb xwb li lauj, yog
thaum lis choj ntaus kuv kiag ces koj tua lis choj kiag nawb, ces
Tsab hawj thiab vaj tub nkawm thiaj ua ke mus tom lis choj, thaum mus
txog ntua Tsab hawj nkawm tsa tes lav lis choj nrov npawj tas nrho,
lis choj hais tias me nyuam tab ham nej tuaj dab tsis, ua cas tsis
nyob tom tshav rog tseem los nov ab tsis, Tsab hawj thiaj li teb tias
hais rau koj ua tus hlob paub tias tuaj ntawm no yog xav tuaj thov xab
vim tej phooj ywg tib txij ua hauj lwm li kuv nce qib tas lawm tshuav
kuv mas xav thov koj pab saib xyuas ib theem rau kuv, lis choj txawm
teb tias tsis tau, tej qib theem no twb muab tas rau lawv lawm tsis
muaj muab rau koj lawm, Tsab hawj thiaj teb tias yog li hais rau koj
ua hlob yog koj saib xyuas tsis tau rau kuv ces tej zaum kuv yuav tsis
mus nyob tom hauv ntej lawm kuv yuav thov nyob tom qab thiab no ces
lis choj cia li tias koj hais tiag puag yog nrig ncaws taw Tsab hawj
vau hlo rau hauv av ces vaj tub thiaj tib zag phom lis choj tuag kiag
rau ntawd, Tsab hawj thiab Vaj tub nkawm thiaj khiav tawm ntawm looj
ceeb mus rau puag nram qab teb xab vam nab khej, nkawm mus nrog nplog
nyob puag nram qab teb, Vaj tub mas yog ham choj poj niam tus dab
laug koom tib lub mis noj hlob, vp thiaj kom ham choj mus ntxias kom
tau nkawm coj los tua no ces muab ham choj ua ib tus loj ntawm cov kwv
tij hmoob ntsuab no, ces ham choj zoo siab heev ham choj thiaj ntaus
xov tooj thiab tso neeg mus ntxias Tsab hawj nkawm tias hais rau neb
paub kuv twb yog koj yawm yij vaaj tub kuv twb hais vp tas lawm tej
kev uas neb tua lis choj ntawd twb yog vim lis choj siav ceev ntaus
neb neb thiaj tau tua lawm los yuav tsis suav ua ib lub txim dab tsis
li thiab kuv twb yog koj yawm yij tiag tiag zoo li tej kwv tij xwb ib
leeg yeej tsis khuv ua rau ib leeg li, tsab hawj neb los ces neb los
nrog kuv ua taas luaj (police) xwb tsis pub neb mus ua tub rog lawm,
ham choj ntxias ntxias ces nkawm xav tias tej zaum yog tiag, nkawm
kam los lawm lauj ces vp lawv thiab tso thab ham caij dav hlau kooj
tshuab mus tos nkawm, thaum nkawm nkag rau hauv nyooj hoom, lub
nyooj hoom yas nto plaws ntuj ces lawb muab nkawm pav kiag ntau ncaws
saum nyooj hoom, ya los tsaws ntua xwb ces cov kwv tij hmoob lis twb
tuaj nyob hauv nov tos, muab nkawm thawb ntiag saum nyooj hoom li tej
tsiaj rau hauv tshav nyooj hoom, poob nthav tis hauv av ces cov hmoob
lis ntaus los ntaus ncaws los ncaws ua rau nkawm tshuav txoj siav
xwb, Tsab hawj tsis yog lub xeem vaj muab tsab hawj luag li tus tsiaj
mus rau tom qhov taub pov kiag ob lub hnab tsaj thiab ib daim ntaub
tiv nag rau xwb ib lub mov tsis pub rau noj tsis pub poj niam thiab
cov kwv tij hmoob hawj tuaj xyuas li, vaj tub yog vp lub xeem vaj vp
xaaj kiag kom lawv cab coj mus tua, thaum mus txog ntua rau ntawm lub
chaw tua vaj tub twb sab heev lawm tseem yuam kom vaj tub khawb lub
qhov uas faus vaj tub vaj tub yeej khawb tsis taus lawm tiag tiag vp
cov peeb zeej thiaj sib hloo nto khawb tsawg tsuag tau kiag lub qhov
vaj tub tias thov haus ib kab luam yeeb tso twb tsis pub ces muab vaj
tub thawb ntiag rau hauv qhov li tus tsiaj vp cov peeb thiaj tib zag
phom rau vaj tub tuag kiag rau hauv lub qhov ces npoos av tsawg tsuag
rau xwb twb tsis muab ib nyuag qhov ntaub los sis pam rau vaj tub li,
tej no puas raug cai hauv ntiaj teb no uas luag tej neeg muaj haiv,
Tsab hawj tsis muaj dab tsis noj ua siab muab ob lub hnab tsaj noj noj
taag kiag thiab noj daim ntaub yaas qho me ntsis xwb ces Tsab hawj ua
ib siab tuag kiag rau hauv qhov taub, thaum tuag lawm tus poj niam
thiab tej kwv tij lis tuaj saib tau thiab coj mus pam yam tus siab
kawg nkaus xwb, kwv tij hmoob coj li tej kev no puas siv tau thiab
los tsis tau, yog meej pem thiab los tsis meej pem, ntshaw nom tsis
ntshaw los yus tus dab laug kiag tseem muab ntxias coj los tua, kev
txhaum tsis yog vaj tub thiab tsab hawj nkawm txhaum kheej xwb lis
choj yeej yog ib tus neeg phem heev nkawm thiaj tau tua, muaj txoj cai
tsis nyob lig mam muab tshawb saib ntsawb xyuas hais rau qhov ua koob
mus yoj xov los nyog, kom Tsab hawj thiab vaj tub nkawm them nqi taub
hau, muab nkawm coj mus kaw kom tas lub txim xwb yeej tau lawm, cia
li muab nkawm tsim txom yam txom nyem kawg nkaus, hais txog tej kev
cai thab ham twb tsis hais yus cov thab ham xwb, tus yeeb ncuab uas
tuaj tua yus kiag yog yus ntes tau twb txwv tsis pub tsim txom tsis
pub tua nes, kwv tij hmoob, peb coj li no lub ntuj yuav ua cas hlub
peb hmoob thiab.

Hais txog txooj kuam vwj thiab txawj toog vwj nkawm, sib tua twb yog
vim los ntawm vp txoj kev tsis meej pem, feeb dej num tsis meej,
nkawm lub neej nyob rau teb chaws moos mauj, thooj teb koom chaw nyob
thooj zej koom zos txoos, txooj kuam yeej ib txwm yog nais khej kav
ib pab tub rog thiab pej xeem nyob moos mauj, txawj toog los yeej
muaj ib pab tub rog thiab ces nkawm los yeej tsis tshua sib haum
thiab, vim vp thiab txawj toog lawv liam hais tias txooj kuam ua nyab
laj lawm es kom txawj toog vwj mus saib xyuas kav thaj teb chaws moos
mauj ntawd ces txooj kuam thiaj tsis zoo siab, ces thiaj li tuaj kho
rau hauv looj ceeb thaum tuaj txog vp tsis kho, thiaj kom Muas Xwm
kho es yuav muab faib nyias li rau nyias, txooj kuam xub xub tuaj rau
hauv muas xwm tsev nrog rau ob tug kav dawm kuaj, txooj kuam ib tus
kav dawm kuaj nrog txooj kuam mus rau hauv tsev lawm, ib tus mas nres
hauv qab lawj nraum zoov, ces ib pliag ces txawj toog thiab txawj
toog ob tus kav dawm kuaj nrog rau txooj neeb vaj txawm tuaj ua qab,
txawj toog ob tus kav dawm kuaj txawm nyob hauv qab lawj tos txawj
toog thiab txooj neeb vaj nkawm txawm nce nkag nplo hauv tsev ces
txooj kuam sawv tsees cem taw tes nki tias koj tus nyuag neeg kos nyob
txog qhov twg los foob nom foob tswv oj yuam, ces txawj toog tias
tiag lo rho loo yaj phom tib phom hauv siab ua rau txooj kuam yees zog
tib pom tom qab ntxiv ces txooj kuam zaum zuav ces txooj kuam tus kav
dawm kuaj yoob tsis nco qab tua txawj toog ces txawj toog tib phom
txooj kuam tus kav dawm kuaj tuag kiag thiab, ces Muas xwm tawm paws
kiav lawm txawj toog ob tus kav dawm kuaj ces tso ya rau puag tim nom
yeej tsev lawm, thaum lawv sib tua ces txooj neeb vaj tab tom txog
ntua ntawm qhov rooj, ces txooj kuam tus kav dawv kuaj saib ua cas
lawv sib tua lawm lauj ces txooj kuam tus kav dawm kuaj thiaj tib phom
txooj neeb vaj tuag kiag rau ntawm muas xwm qhov rooj, txawj toog
lawv sib tua ntsig zog tib pliag txawj toog txawm xav tias nyaj tsis
muaj dab tsis lawm, txawj toog tib plhaw saum qhov rais txawb ntua
hauv av, ces txooj kuam tus kav dawm kuaj thiaj tib phom txawj toog
tuag kiag rau ntawd, txooj kuam tus kav dawm kuaj paub tias lawv sib
tua lawm, ua cas los yeej muaj ib tus yuav tsis raug tua, ces nws
txawm nre twb ywm hauv qab tos, tej tus neeg zoo li no tawv heev thiaj
pauj txiaj ntsim tau, kwv tij hmoob nej sim xav saib maj tej no twb
yog xuas pob ntseg ua hauj lwm xwb ces thiaj muaj tej xwm txheej zoo
li no tiag, ua thawj coj thaum muaj teeb meem lawm ob lub qhov muag
yuav tau mus saib mus pom thiaj yuav kho tau kom tsis txhob muaj teeb
meem, vp twb tsis paub qhov tseeb twb muab txawj toog uas yog vp tus
txiv luas mus tuav dej num lawm es thiaj muaj tej teeb meem no tiag,
dhau qhov no mus ces txooj kuam yuav mus zwm rau phaj hab lawm no tab
si tuag ua ntej lawm.


yk
.

Relevant Pages