Yuam kev mebthaub.

Thaum nyob nplog teb mas pheej hnov tej laus tham hais tias cov hluas
nraug mas pheej mus tham yuam kev luag teb nyab thiab pojniam. Tseem
ceeb tshaj thaum yog muaj ib lub ntees tuag mas yog lub caij uas pheej
mus xuas yuam kev luag tej nyab los pojniam. Kuv xav mas ntshe lam
yuam kev xwb pob cov yawg. Nej puas tau yuam kev neeg dua li mad?

Muaj ib zaug kuv mus txhom yuam kev ib niag meb thaub mas kuv poobplig
txog hniaj hnub nim no li tiag lawv. Qhov yuam kev mas yog li no:
Thaum peb nyob tim Thaib ces kuv mus tham tau ib tug hluas nkauj sib
swm heev. Ces txog thaum tsaus ntuj ces kuv pheej mus nyem teeb xais
rau tim tsob ntoo kom nws pom. Thaum nws pom ces nws yeej cia li tuaj
nrhiav kuv. Thaum ntawm kuv txawm mus nkaum ntawm hluas nkauj kaum
tsev. Cas kuv tig mus saib cas pom tus hluas nkauj tawm plaws ntawm
qhov rooj tuaj lawm. Ces kuv txawm khiav loo mus nkaum kiag ntawm kaum
Vaj tos txhom nws. Tabsis thaum tus hluas nkauj tawm plaws tuaj ces
nws niam txawm tawm plaws lawv nws qab thiab. Ces niag hluas nkauj
txawm nkaum kiag rov rau hauv tsev lawm. Ces kuv yeej hnov nris nraws
tuaj mus. Yeej xav tias yog kuv niag hluas nkauj 100% lawm ntag. Thaum
nws tuaj tshwm plaws ntawm kaum vaj ces kuv txawm tib plhaw mus khawm
nkaus nws puag kiag. Aub yaub... cas yuam kev yog niag mebthaub.
Niag mebthaub cav hais rau kuv tias, metub... es koj nyiam kuv thiab
lov? Kuv mas ntsev nchuav tas du lug. Txog hniaj hnub no los ntsev
tseem zoo li nchuav quj qees li tiag lawv.
.

Relevant Pages

  • Re: Tsis pab thaum ciaj ces pab thaum tuag xwb,
    ... sibhlub thaum ib tug neeg tuag lawm es peb mas sawvdaws ib leeg pab ... LAWM CES LUB NTUJ NO YUAV TSI MUAJ IB QHOV PHEM KIAG LI ... THAUM TSEEM MUAJ TXOJ SIA TSEEM NOJ TAU TSEEM HAIS TAU TSEEM ENJOY TAU ... MAS LAWV HAIS LAWV ZAJ XWB NO KUV POM THIAB KUV TAU NTSIB LOS LAWM ...
    (soc.culture.hmong)
  • Re: To Zoo and Thornspear...
    ... thaum i kuv hais kom yaweh 'stand up and say something' thiab tiag ... (thaum nws pom hmoob tso lus hmoob lees rau chaws qes qes). ...
    (soc.culture.hmong)
  • Re: Hmong213 thiab Phwvnyawm
    ... yog kuv tej chaw yos thaum kuv tseem yog me nyuam tub ntag nawb.Teb ... lauj.Yog kuv rov mus mas thaum ub tsis paub ua laj ntses nyoo zaum no ... mus mas yuav tau ua laj ntses nyoo noj ntshai haj yam yuav qab. ...
    (soc.culture.hmong)
  • Re: Hmong funeral needs to change
    ... Yuav muaj tswv yim zoo npaum cas los thov nco ntsoov tias tham tag ces ... thaum yuav pib ces yus yuav tsum yog tus ntau kiag kev ntag nawb. ... los kuj tau pom kiag ntawm qhov muag los mus lawm. ... Kuv txiv kiag twb ...
    (soc.culture.hmong)
  • Re: most stupid user in SCHMong
    ... Kuv ces yog koj niam tij lawv txhob hlub-b yus ces xyov twb mob ko taw ... peb tseem hluas cov no tham hluas nkauj yeej swb yus......nws lub qhov ... tsis ntsais li TIAM SIS yus tus kwv nws TSAUG NWS ...
    (soc.culture.hmong)