Re: Cheating

Tus phoojywg,
Yog koj yog ib tug pojniam ces kuv yuav hais kom koj ua siab ntev ua
siab loj. Ua zoo rau koj tus txiv tshaj qhov qub, kom rov rub tau koj
tus txiv rov los rau koj. Yog thaum nws ho yuav tau ib tug niam yau
los ntxiv lawm, los koj tseem yuav tau uv, sib twb nrog niam yau ua
lub neej, kom koj tus txiv pom koj txoj kev zoo. Txiv neej ces txawm
tawv npauj li cas los yeej tseem swb pojniam txoj kev hlub thiab kev
ua zoo. Yog koj twb ua siab ntev thiab ua zoo kawg nkaus koj lub peev
xwm lawm, tabsis yeej rub tsis tau nws rov los, txog thaum no, koj mam
ua ib siab. Koj thiab tsis khuvxim yam koj tau ua dhau los. Nco
ntsoov, tsis txhob ua twv lossis ua koj phim nws es mus deev hluas
nraug pauj. Tej no mas haj yam ua kom koj lub neej puas sai.

Tabsis yog koj yog ib tug txiv neej uas muaj morality, ces kuv tsis
pom qab yuav hais li cas. Vim nyob rau hauv Hmoob lub neej, txiv neej
yeej yuav ntau tus niam, tabsis, cov niam yuav tsum yuav tus txiv tib
leeg xwb. Qhov no nws yog cultural practice thiab yog cultural
morality. Ib tug poj niam uas nws tus txiv mus tham hluas nkuaj mas
neeg zejzog, yeej considered hais tias tsis zoo, tabsis tseem tolerate
tau vim tej no yeej ib txwm muaj tshwm sim nyob rau Hmoob culture,
tabsis yog tus niam ho deev hluas, nws considered caj tsuj thiab saib
tsis taus tus txiv. Tus txiv yuav poob npe, poob tsim, poob meejmom
mus tag nws ib sim neej. Yeeb vim li no, yog koj yog ib tug neeg muaj
moral, koj yuav tsi rov yuav tus poj niam uas nws muab koj tsuj rau
hauv av lawm. Yog koj tseem rov yuav, tebchaws yuav hais koj lub koob
tsis zoo. Txog thaum no, koj txoj kev ua zoo ua koj ib txwm ua puag
thaum koj pib ua ib tug txiv neej yawg los txog rau hnub koj rov lees
yuav koj tus pojniam deev hluas ces poob tab nrho rau hauv qhov ntuj.

Tabsis yog koj twb yeej yog ib niag txiv neej uas tsis muaj moral, koj
yeej tham hluas nkauj luas loo rau txhia chaw, tseem mus deev luag poj
qees, ces kuv hais rau koj hais tias, ua siab ntev ntev, rov mus hlub
nws kom heev tshaj qhov qub seb nws puas rov los rau koj puag xwb. Yog
koj plam nws lawm ces ntshe yuav laj nrhiav tau ib tug zoo li nws lawm
thiab.

Kuv paub hais tias qhov kuv hais no yeej tsis ncaj ncees rau pojniam
lawm, tabssis nws yog Hmoob txoj kev xav thiab kev coj, kev ntseeg. Ib
tug poj niam deev hluas nraug mas tsis hais poj niam los txiv neej,
yeej tsis accept hais tias yam nws ua ntawd siv tau. Tsis tag li
ntawd, ib tug txiv neej uas deev hluas nkauj los yeej tsis muaj neeg
accept nyob rau lub neej niaj hnub niam no (US), tabsis tseem haujsim.
Hos yog tseem mus deev luag pojniam mas haj yeem phem.

HL
.

Relevant Pages