Re: Cov Hmoob Cobfab, sim paab txhais seb

On Apr 30, 8:15 am, Moobsib <Mongsh...@xxxxxxxxx> wrote:
Thov paab txhais mej cov lug nuav rua peb kawm hab suab?

Ua tsaug os,

ms

1)  Moojkav moj coj
2) Nruam mas tab tiv mas kawv
3) pheej puam
4)  zwjthaj
5) koob pheej
6) ywjpheej

Nyob zoo tus kwvtij Moobsib,

Peb Hmoob yog ib caj ceg Ntuj tsim los nrog luag neeg ntiajteb ua neej
nyob hauv lub ntiajteb no. Peb tsis zoo li haiv neeg Mekas es txia
ntawd haiv neeg Askiv(Britain) los. Peb Hmoob yeej ib txwm hu peb ua
Hmoob peb yeej yog Hmoob qhov peb tau lwm lub npe uas lwm haiv neeg
tis rau peb ntawd yog kev ntxub ntxaug los ntawd luag lwm pab pawg
neeg es tis tej lub npe phem phem rau peb yuav xwb. 5000 xyoo dhau
los peb Hmoob yog cov xub peev nom peev tswv nyob Tuam Tshoj, muaj
liaj ia tebchaws, thiab txuj ci yam tseem ceeb. Tom qab peb ua rog
swb Suav lawm ces Suav muab Hmoob cov thawjcoj txawj ntse tua tag,
huas Hmoob tej txuj ci thiab tebchaws mus ua Suav tug tag lawm. Hmoob
thiaj raug mus ua Suav qhev tau ntau tiam thiab Suav tseem los sam fwm
ib co lus rau Hmoob tias, nej Hmoob yuav cia huab tais mas yuav tsum
yog tsua tawg paj zeb txi txiv thiab tus neeg ntawd yuav tsum yog
ntsej luaj ntxuam ho qhov muag luaj khob mas thiaj yog nej li huab
tais. Txij thaum ntawd los ces Hmoob cia li tag kev cia siab thiab
coj Suav cov lus no los khaw coj ib txheej rhau ib txheej ib tiam rhau
ib tiam los txog niaj hnub niam no. Nyob rau niaj hnub niam no tseem
muaj ib co neeg laus Hmoob tseem ntseeg tias Hmoob tus huab tais mas
yog tus ntsej luaj ntxuam muag luaj kho mas thiaj yog Hmoob tus nom,
ho yog zoo li peb noobneej no xwb ces tsis yog Hmoob tus nom. Hmoob
thiaj tsis muaj kev sib fwm thiab sib ntseeg Hmoob, Hmoob mus ntseeg
luag lwm hais neeg dua li Hmoob ntseeg Hmoob.
1) Mooj kav moj coj- yog yus qhov kev txawj thiab kev coj noj coj ua.
2) Nruam mas tab tiv mas khawv- yog kev nyiaj ntxeem yoo tshaib yoo
qhis ua tus dejnum kom tiav.
3) Pheej puam- yog ua tau tej qho zoo zoo (special)
4) Zwjthaj- yog hnub tim (date).
5) Koob pheej- yog txoj kev cai tswjfwm ncaj ncees rau txhua tus tib
neeg tsis hais cov txom nyem los cov muaj, cov ruam los ntse kom tau
txais li nyias qhov peeb xwm.
6) Ywjpheej- yog txoj kev tswvfwm ywj los ntawd tej nom tej tswv xaiv
thiab pom zoo, lawv kom ua cas ces kawg tau ua leej twg tsis ua ces
kawg mag ntau thiab ncaws.

Liajdawb
.

Relevant Pages

  • Re: Peb Hmoob txoj kev sib hlub nyob 6 tiam 21.
    ... Nyob zoo tus kwvtij, ... Zoo siab qhov koj tau tuaj tham txog koj txoj kev pom txog ntawm peb ... haiv neeg Hmoob rau ib tsoom sawv daws tau nrog xav. ... fwv muab welfare txiav lawm, peb hmoob muaj business loj li loj, muaj ...
    (soc.culture.hmong)
  • Re: Nyab Laj thiab Cob Tsib txhais li cas
    ... Nyob Zoo Kham Lab Vaj ... tau post 2-3 daim hais txog peb tsev neeg Hmoob Vaj nyob Vietnam qaum ... tag nrhov sawv daws nyob Suav ciam teb, yog peb Hmoob teb chaw cog paj ...
    (soc.culture.hmong)
  • Re: Moob Meskas Tug Mob
    ... kuv nyiam koj qhov 'metaphor' no kawg tiag li. ... haiv neeg laus laus li haiv hmoob yeej tau muab siv ua paj lug cia. ... leej twg muaj sia rau peb? ... peb yeej ib txwm muaj lod? ...
    (soc.culture.hmong)
  • Another Letter from Dr. Yang Dao
    ... Nyob zoo cov kwv tij thiab nkauj muam Hmoob sawv daws: ... Kuv yog Dr. Yang Dao dua. ... Kuv pom peb Hmoob ...
    (soc.culture.hmong)
  • Huab Tais Hmoob
    ... Peb Hmoob muaj ib zaj dabneeg piav tias Hmoob thiab Suav sib txeeb faus ... faus tej laus ze tej chaw zoo li ntawd yog faus kom tau lub zoo looj ... los yog faus kom tus tuag tau mus nyob kiag rau zaj txwg zaj laug ... Peb Hmoob tsis muaj Huabtais vim peb tsis nrhiav peb tus Huabtais. ...
    (soc.culture.hmong)