Progress ntawm kev txhim kho Hmoob lus/ntaub ntawv

B2H & cov boj yaig SHClers,

B2H yog nug txog ib zaug lawm ces kuv yuav piav qhia me, me. Thov nej
zam lub txim. Zoo li Hmoob lo lus, "...xam luaj ntuj xu luaj nyuj..."
Thaum xub pib ces yeej xam pom dav thiab loj. Tiam sis thaum los mus
pib kiag lawm kuj zoo tsis tau li siab xav. Yog no thiaj tau tshaj
email thiab caw tag nrho cov boj yaig Hmoob muaj pluaj siab thim xam
pom kev txhawb Hmoob ntaub ntawv nyob thoob ntuj. Cov nyob Suav (Yob
Xyooj hauv Kunming, Yunnan thiab ob peb tug cov boj yaig nyob Guiyang,
Guizhou), Thaib teb (Dr. Tsav Txhiaj Lis),
Australia (Dr. Gary Yias Lis, Txos los yog Choj Vwj), North Carolina
(Anthony Vang), California (Txawj Xab, Dr. Nkauj Lig Yaj, Dr. Pob Zeb
Thoj & Patrick Txhim Vang), thiab Wisconsin (Charles Vue, Jay Xiong,
Blong Moua, Nom Dee Vang, Dr. Nyiaj Nruag Vaj-WI & Thaib, Txhiaj Vwj
Yaj, Lauj Pov Vang) los yeej caw tag. Cov pom zoo thiab xyeej tuaj tau
yeej tuaj tag lawm. Cov ho tsis xyeej thiab tuaj tsis tau lub cev los
twb tshaj twb xa lawv li laj lim tswv yim tuaj txhawb tam li lawv
txhawb tau lawm. Yog tias ho tshuav tus leej tus twg thiab no thov pab
qhia thiaj yuav paub txhij paub txhua.

Peb cov MN ua tau caw lawm coob; tej tus kuj tuaj koom tej tus kuj
tsis tau
xyeej tuaj; tag nrho cov npe kuv nco ces yog Dr. Yang Dao, Lee Pao
Xiong, Yuepheng Xiong, Dr. Neej Zoo Yaj, Dr. Pov Lis, Fwm Looj Yaj,
Tswv Vaj Yaj, Ntsuab Vaj Lis, Bis Lis, Mike Pov Lis, Lisfwm Vaj, Maiv
Cib Lis Vwj, Phuab Yaj, Foom Lis, Xyoob Mitch Ogden, Dr. Downing, Paj
Ntsuab Vaaj Xyooj, Mog Tsab, Leej Vaj, Ntxawg Thoj, Dr. Riam Vaj,
Steve Thoj, Tub Pov Lauj, Dr. Txawj Teev Vaaj, Xibfwb Tooj Zoo Vaj,
Yob (Neej Fwm Lis), Maiv Lis LisFoom, Tub Yaj, Nkauj Kab Lia Yaj,
Anthony Lauj Lis, Lab Yaj, Txooj Pov Lis, Xibfwb Tooj Ntxawg Vaj, Kev
Txwj Laug Ntxoov Tsab, Jay Xyooj (MN) thiab, zoo li tseem tshuav tiam
si tsis saib daim ntawv ces
nco tau li no lawm xwb...

Thaum yuav caw ces yeej xam pom txog: 1. cov suab Hmoob/Moob, 2. txhua
hom ntaub ntawv Hmoob, kev ntseeg (Hmoob li versus Christianity),
thiab lwm yam thiaj tau caw
thiab rub lawv los pab los txhawb.

Qhov tseeb ces thaum kawg rov los mus hais txog nyiaj txiag thiab kev
yuav siv kiag tam sis no. Yog no peb ob peb tug boj yaig tau tuaj sib
ntsib thiaj li tau mus lub zeem muag loj ua xav los tshawb txhim kho
tag nrho peb cov ntaub ntawv tsis hais Phaj Hauj, Qaum Ntuj, Txawj
Vag, Lauj Foom, Paj Ntaub, Pollard Script & Puaj Txwm, los yog tias
lub Suab Hmoob &
Moob ntawd ncua cia tseg. Peb thiaj li pom zoo los mus pib siv RPA
thiab nrhiav kev los mus txhim kho seb kev cai teb chaw los yog ntawd
peb xeev MN no puas yuav tso cai lees paub peb Hmoob li lus thiab tej
ntaub ntawv. Li no peb
thiaj yuav nrog luag muaj cai txais tau cov "credits" rau kev kawm
high school - higher education ib yam li cov foreign languages nyob
teb chaw no, kom peb
muaj cai nrhiav kev los tswj thiab kev xeem los ua kws qhia ntawv
Hmoob (RPA), thiab kom muaj cai los mus certify peb cov lus Hmoob ib
qib dhau rau ib qib.

Tos peb ho txiav txim li no mas yog kev siv. Lub sij hawm no thoob
plaws xeev MN yeej siv tus ntawv RPA no lawm. Kev qhia, kev txhais
lus, thiab kev kawm rau txhua lub tsev kawm ntawv
qhia txog Hmoob thiab ntaub ntawv Hmoob los yeej siv tus ntawv RPA no
huv tib si.
Yog no peb thiaj pom zoo li vim kev siv yooj yim & qhov tib neeg pom
zoo siv (accessibility & kev siv).

Hais txog ntawm cov kws laus hluas ces kuv yeej caw cov kuv paub tag
lawm. Yeej tsis saib ntsej saib muag li nawb. Tiam sis peb nyias muaj
nyias
tswv yim. Nyias muaj nyias li dej num tab kaum peb. Yog li cov uas
muaj sij hawm thiab txaus siab txhawb ces yeej tuaj txhawb los kuj
tuaj txhij lawm. Tus tsis pom zoo thiab tsis xyeej
los kuj tsis tau tuaj, thiab. Hos hais txog ntawm ob peb tug kws
tshawb fawb qhia
thiab kho ntawv Hmoob xws li Txawj Xab Lis nyob nram California thiab
Yob los yog Neej Fwm Lis ntawm peb nroog ntxaib nov los mus rau cov
thawj coj koom haum qhia ntawv Phaj Hauj los yeej caw tag lawm. Lwm
tus ces tsis tau qhia kuv tseeb tiam sis Yob yeej qhia kuv zoo, zoo
lawm tias kuv thiab peb pab boj yaig no tseem nyuam qhuav pib xwb ces.
Nws li nws twb tos tshaj cia peb siv lawm xwb. Ces nws hais tias, zoo
li lub rocket ship, yog hnub twg peb ready to launch thaum twg no ces
nws mam tuaj koom tuaj pab no.

Qhov kuv xav xwb ces peb sawv daws yeej muaj kev koom tes kawg lawm
nawb. Qhov
teeb meem tam sim no ces tsuas yog 1. sij hawm, 2. caij nyoog, thiab
3. nyiaj txiag lawm xwb.

Tam si no peb qhov "progress" ces yog li hais tag saum no thiab xaus
li
nram no:

1. Formed tau ib lub committee los mus review cov Hmoob curriculum
ntawd peb ob
lub school districts loj nyob rau Saint Paul thiab Minneapolis thiab
lwm lub tsev kawm ntawv xws li cov charter school; kev review no yog
kom peb paub meej txog hau paus rau ntsi txog peb Hmoob li: 1. cov
lus hais cov lus sau kom sib thooj, 2. cov lus cev txog peb tej tsoos
tsho (culture), keeb kwm lis xwm (origin & history), thiab 3. tej tswv
yim qhia ib qib mus rau ib qib kom sib thooj sib xws peb cov mej yes
thiab cov kws thiaj tsis yuam kev. Tom qab ntawv peb thiaj yuav zwj ua
tau ib lub suab mus nrog cov thawj hauv paus tswj
kev cai ntau tswv yim los pab txhawb Hmoob ntaub ntawv kev kawm thiab
kev qhia; xws li board of teaching (control & issue teaching license
rau lub xeev MN tej tsev kawm ntawv) thiab MN Department of Education
(tswj thiab tso cai rau kev qhia ntaub ntawv rau cov tsev kawm ntawv
hauv xeev MN); thaum tau peb lub suab moj them nqa kab (united voice)
no lawm ces accreditation, ceritification thiab licensure rau Hmoob
thiaj yuav tshwm sim tau.

2. tsim tsa ib lub koom haum los mus tuav Hmoob tej ntaub ntawv; i.e.
Hmong literacy center; tej ntsiab lus xws li lub hom phiaj thiab tej
kev cai lij choj
(mission and by laws/article of incorporation) tseem yuav muaj tsa
tuaj mus rau xyoo tshiab no;

3. Thaum 1 - 2 tshwm sim lawm mam rov ncig los tsa lub zeem muag loj
li hais sauv.

4. Tab tom tsa tau lub koom txoos Txis Hmoob Ntawv (Hmong Spelling
Bee) rau ob peb lub tsev kawm ntawv qib k - 8 ntawv nroog ntxaib no.

Hais tau ntau zog lawm los txhob xav li cas...nej tus leej tus twg
muaj laj li ntxiv li cas
thov tshaj nawb...

Ua tsaug rau qhov koj tau nug txog...

-Txiabneeb
651.238.5300
.