Re: Noogdlej, mej cov kws ua social workers rua cov puj Moob

Miv Yawm Dlaab Moobsib.....

Thov txim os......puas yog nub nua koj tsi xis neej ?????? zoo le koj
cov "chi" dla tsi sib hum sub tej! Cov social workers yeej social
social kawg nkaus le tabsi qhov teebmeem yog cov txivneej Moob pheej
tsi kaam kom teg nrug cov tsoomfwv le kevcai lijchoj ha pheej muaj
muaj cov teebmeem kws tshwmsim nuav na. Yog peb cov yawm ex-quasyawg
kaam them child support ces nyaj cov nam ex-quaspuj yeej yuav tsi tuaj
rob rob nyaj ces nyaj suavdlawg hlwb yuav tsi dlaas npaum le kaj.

Cov nam nkauj faa ntawd ces, tog puab txav txim sab sawb lawj lawm los
nyaj puab yeej think come think go, think short think long taag lawm
txhaj txavtxim sab moog aub lub nam npe txomfaav ntawd lawm hab laub.
Qhov teebmeem luj mas yog cov ex-quasyawg na. Thaum taig nam zaub ab
hov nyob ntawm yug xub dlag mas ab sab kawg le tabsi thaum muab txaav
zog moog rua lwm tug lawm ces yug haj tseem khib khib sab hab es txhaj
ua teg fuamyeej nyaav zog moog raug ua nwg kaaj nam zaub qaub ntawd me
lua rua huv nplajteb aws........

Tau kaum lub xyoo lug nuav kuv tsuas nov tuab tug puj Moob txhaj muaj
cuab kaav ua doctor pai nwg tug yawm plaab tom hoobnaab xwb. Tabsi ob
peb lub hlis taag nuav cov ex-quasyawg cale moog ua doctor coob zujzug
tuaj le lawm. Kawg yawm meskasniv los cale ua doctor pais neeg le
lawm hab. Tsi paub has le lawm lau. Nyag ua rua nyag ris.....txawm le
caag los yug saib yug tug kheej zoooooo xwb. Quaspuj muaj coob, nwg
tsi hlub yug lawm los ca nwg moog nwg. Nwg nqaa cov mivnyuas hov ib
tug 9 hlis huv plaab nwg tub tsi complain kag le. Thaum xyaa nyuas
los nwg nim fuas sav caj fuas sav tuag tawm lug xwb. Tej nyuas nyaj
child support ntawd tub tsi ntau npaum yug moog them qe child care.
Yog puab tseem kaam ua nanny rua yug cov mivnyuas ces yijmeem them rua
tsaam ob peb nub puab ntse tuaj es puab cale xaa mivnyuas zum zawg
tuaj ce yug vwm nawb.

Thov txim ntshe nub nua kuv tub has tsi tau lug ntxim koj plawv le
laub yawm sib aw.

Noogdlej



On Nov 16, 10:54 am, Moobsib <Mongsh...@xxxxxxxxx> wrote:
Mej cov kws ua social workers rua cov puj/nkauj Faav Moob yuav tsum
tau cob qha rua ib tsoom puj/nkauj faa Moob kuas tsi txhob ua heevx
rua yug kaaj qub zaub. Yuav tau to taub txug txuj kev pejsij kws txawm
muaj rua 2 leeg hab tej mivnyuas kuas zoo es xyum siv txuj kev zoo lug
sis has hab dlaws tej teeb meem kws khuam hab txuam rua 2 tog. Ntau
zag tub yog yug ua nkauj faa es lub cuab txhaj tawg los yug tseem tsi
ca tsoom fwv ua tug lig tej num child support, yug tseem take the law
into her own hands, es nim moog muab luas tshob ntsej muag muaj tau
ntsej muag le ub le nua. Luas tub chim sab tshuav npu paa tuag xwb los
yug tseem moog muab luas luam (humiliate) cuag yug yog kaab yog hlau.
Raug tug sab ntev ces luag nyuj nyaav le kuv yawm txiv ntxawm, yog
raug tug sab luv ces yug txuj sa kawg tu xwb. Certainly no mature and
sane person wants to kill except being pushed too far into the corner,
where he/she has no other option but to react.

Kuv xaav tas Hmong-lao Radio hab Mojthem Radio hab lwm lub xuvtooj cua
tsim nyog muab tej nuav lug tshaaj rua ib zej tsoom Moob suav dlawg
noog kawg.. It is a good preventative education for us, I think...

Mej xaav le caag?

MS

.

Relevant Pages