Re: Cim Rua Laajxeeb Ncu Ntsoov Kaaj Zaub Mog....

Hahaha! Mej plaub yawm koj mas tsi tshaam zoo sab rua kuv sob ntawv
nuav kag le sub as.

Tsi ua le caag. Ca kuv qha lub hauv paug rua sob lug ntawd. Sob lug
ntawd yog cim laajxeeb ntau kuv nyav muaj 12 xyoos rua xyoo 1977 kws
kuv yaa dlaav hlau tuaj meskas teb nuav es puab tso yeeb yaaj kab rua
suav dlawg saib xwb.

Kuv tsi tau moog dlua rua teb chaws thaib los yog teb chaw nplog le.
Kuv tsuas xaav paub has cov pej xeem huv lub nroog sch nuav puas muaj
tej zoo le nuav es txhaj le ua rua puab tej sab yaa yuj pis lag rov
moog rua thaib teb hab nplog teb rua txhua lub caij thaum noj peb
caug. Yog mej leej twg moog tid es ntsib tej nyuas kaaj zaub ntsuab
mog le zaay yeeb yaaj kab nuav qha ces txhais tau lawm has tas txiv
neej yeej los ncu quas ntsoov rua nruab sab.

tseemyeej, sob lug nuav tsi tau yog has txug church los yog coj qub
kev cai le os. Nwg tsuas yog has txug txiv neej lub laajxeeb kws
ntsib ib zag lawm ces yuav ncu ntsoov taag moog sim neej. Tug paub
ces zaam dlhau, huas tug tsi paub ces yuav nyob lub neej vwm quas le
rua kaaj nyuas zaub ntsuab ntawd xwb. Tsuav koj ho txawj tswj koj lub
laajxeeb es pluag twg los yog yug kaaj zaub huv tsev es pheej qaab
tshaaj pluag qub lawm los haj yam zoo xwb luas mas. Rau sab rau txuj
los rua ces nwg yeej qaab txhua pluag.

.