Re: Thorns...I like your analysis

Kuv los yeej xaav hab pum lawv le koj ua tij has hab. Le coob leej has
lug lawd, puab cov kaasmoos nuav ces tug mivnyuas yaus los yeej paub
tas puab ua dlaab tsi mas tsis taag yuav puab yuav chim rua Hmoob,
Miskas los sis Bloglab. Tej nyuas kaasmoos txa dlej hab limham le
ntawd ces leej twg los yeej meem txom.

Yug nyob yug ib saab ntuj es taag zug nrug Hmoob haavzoov thaam
satelite phones haub kuas luas tiv tog xyoo taag xyoo tuaj, ua caag
Blog lab hab Miskas yuav tsi paub? Tej xuv tshaaj tawm huv xuv tooj
cua Hmong Lao Radio le Dr. Pobzeb puab has dlhau lug, ua caag luas
yuav tsi paub yug lub cisqais? Tug mivnyuas yau so ntswg taav toj tub
txhais tau es yuav moog has txug tej neeg tshaajlij nab.

Rooj plaub nuav yeeb vim yog puab ntsog puab moog thaab nrhav yuav
cuabyeej ua rog ntawm cov company ua cuabyeej ua rog es txhaj le ntsib
xau caum qaab. Yog le caag txhaj yuav muaj tug qaabhau dlaab tsi chim
los sis cibnyeej rua Hmoob? Yog leej twg los sis pawg twg tseem chim
rua Hmoob ces tug ntawd tsi taag yuav has txug kev hlub Hmoob le lawm
nawb, kuv xaav naj. Cov neeg coj tug xeebceem le ntawd ces yog "hlob"
nwg haiv neeg xwb ov..

MS

.