Re: To Rev Cher Tua Yang


Rev Txawj Tuam:

Ua tsaug koj teb los lus kuv nug koj. Kuv twb mus nyeem nej cov lus
rau daim post Religion Again li koj hais lawm. Nej cov lus kuv nkag
siab zoo. Sibtham thiab Cwj nkawv hais kuj yog lus kawg lawm thiab.
Nej ob peb tug cov ho mus kawm tiav ua Reverend kuj hais tau ntau lo
lus tiamsid kuv kiag ho tsis tshua tuaj nej zaj txog qhov topic nej
debate no, tiamsid koj txhob chim.

Tom qab twm nej cov lus tag cia kuv teb ob los rau koj thiab Nom neb
ob tug uas yog ob tug Xib Hwb kawm bible tiav hais tias yog peb yuav
sis cam hais txog kev ntseeg thiab kab li kev cai Hmoob mas sim neej
peb yuav hais tsis sis haum thiab tsis muaj qhov hais tias leej twg
thiaj yog vim peb yeej tsis muaj ib tug twg pom txoj kev tuag los yog
lub neej thaum yus tuag lawm yog mus nyob zoo li cas. Cov kawm bible
li koj thiab Nom los neb tsuas pheej muab bible quote rau sawv daws
mloog xwb neb kiag yeej tsis tau pom lub neej hauv kev tuag zoo li
cas. Peb cov tsis tau kawm bible thiab tseem ntseeg Hmoob kab li kev
cai los peb yeej tsis tau pom lub neej hauv kev tuag dua li. Peb
tsuas yog pheej ua li tej poj yawm txwv koob ib txwm ua los ces tsis
muaj chaw khuam dab tsi ces peb thiaj ua xwb. Yog ib tug neeg tsis
tau paub txog Hmoob kev cai dua yug loj nyob hauv Yes Xus kev ntseeg
li Txiv Plig Nyiaj Pov mas kuv ntseeg tau hais tias nws yeej paub txog
txoj kev ntseeg Yes Xus no zoo dua koj thiab Nom neb. Tiamsid hnub
nws tuaj pom thiab ntsib tus Hmoob uas tsis tau paub Yes Xus duas ,
nws ho pib kawm Hmoob lub neej thiab tej kev dab qhua nws mam pom hais
tias Hmoob kab li kev cai tsis yog dog dig thiab zoo heev. Hmoob tej
txheej txheem tsis yog xev los ua li txawm twb tsis muaj ntaub ntawv
sau tseg los sawv daws yeej ua muaj muaj chaw txawb chaw rau tsis yog
lam tau lam ua li. Txiv Plig mus nrog sab Hmoob teb chaw twg tham los
Hmoob yeej coj thiab ua sis thooj heev hais txog kab ke thiab muaj
ntau ntau qhov Hmoob ua yeej xws li lawv sau hauv bible tseg ntag.
Yog li kuv ntseeg hais tias Txiv Plig Nyiaj Pov pom tej yam deb dua
koj thiab kuv pom lawm nws thiaj li xav kom Hmoob ua kab ke Hmoob rau
nws thaum nws tuag. Kuv ntseeg hais tias tsis yog nws xav los thawj
ua Hmoob tiamsid nws pom tau hais tias txoj kab ke Hmoob ua no muaj
hauv paus hauv ntsi ib yam li Yes Xus txoj lawm ntag.

Rev Txawj Tuam, kuv hais tau ntau zog lawm thov zam lub txim nawj.
Nej cov xib hwb yuav tau rub nej lub siab ntev txhob thuam yus tej
Hmoob kab li kev cai es nej thiaj li muaj phooj ywg coob.

Thov Tswv Ntuj foom hmoov zoo rau koj thiab koj tsev neeg,

Ua tsaug.

.

Relevant Pages

  • Re: Nej cov hluas ho xav li cas.
    ... yog tus hmoob/moob twg tau nyeem daim ntawv uas sau ... thov kom tig nws tus kheej los ua neeg zoo, los pab, los ... thiab vammeej lawm yav tom ntej. ... es tseem tsi nkagsiab nws tus kheej thiab ces tus neeg ...
    (soc.culture.hmong)
  • Re: Kev Koom Txheej tim UN lub 9/13/ mus txog 10/1/2010
    ... Peb leejtwg hais li cas los yeej yog ntawm nyias tus kheej li kev pom ... hais tias kom kuv ua, kuv los hais kom lwm tus ua, peb los xav thiab ... Kuv lub los twb tev thiab los mas. ... suab lawm kuv ntseeg tias lawv tseem tuav rawv lawv lub meej mom thiab ...
    (soc.culture.hmong)
  • Re: HMOOB LUB SIAB
    ... Kuv hais raws li kuv tus kheej pom thiab paub. ... kuv yuav hais raws li kuv kev ua hauj lwm los yog experience. ... organization uas thaum Paj Kaub Hawj nyob es nws tswj los tsis yog? ...
    (soc.culture.hmong)
  • Re: Haiv Hmong Radio
    ... li cas leej twg yog kwv yog tij los ok nawb. ... tseem hlob Dr Gary Lee ob peb xyoo thiab raws li kuv xav os. ...
    (soc.culture.hmong)
  • Re: TO: BROTHER SAYASITH
    ... no coj los ua chaw mob siab, vim yuav tsum sib qhia li no. es peb thiaj ... yog hais cov neeg ua muaj education thiab paubtab es txawj ...
    (soc.culture.hmong)