Re: Hmoob 18 Xeem

Yog yuav muab hais kev phavphuaj mas txawm yuav hais Haiv neeg twg los
yeej muaj. Txawm yuav yog cov lawv rov yuav lawv xeem lawm los yeej
muaj kev sib cais. Qhov peb Hmoob zoo tiag-g uas txawb lawm lwm Haiv
los twb yog vim peb cov kev coj noj coj ua, kev sib txhiab, kev sib
pab, kev sib raug zoo, kev sib ntseeg los ntawm peb lub Xeem. Vim tej
no peb thiaj yog peb ib Haiv tsis yog li ntawd ces peb yeej tsis tsim
nyog yog Hmoob lawm. Yob ib Haiv lawm nyias yeej muaj nyias teej
nyias tug, nyias lus thiaj hu tau hais tias yog ib Haiv. Kuv tsis
ntseeg hais tias peb cov xeem rov sib yuav tau es txawm yuav sib haum
xeeb. Peb Hmoob tus xeeb ceem yog nyias nom dhau heev lawm xwb. Taj
twg nom tswv, thiab pojniam tsis nyob hauv peb Hmoob siab lawm ces
yeej yuav zoo xwb.

Yob peb txawj sib cais hais tias leej twg txawj yam twg cia nws ua yam
ntawd thiab peb hwm nws rau yam ntawd no ces peb Hmoob yeej zoo xwb.
Tsawg-g tus nwm thiaj yog Jack of all Trade dua li ces yeej yog nyias
paub mus lawm nyias yam xwb. Tib yam li peb cuab kwv tij, tus coj rau
sab kab ploj kev tuag, kab tshoob kev kos, peb yeej cia rau nws ua tus
coj xwb. Nws txib txog leej twg ces tus ntawd mus pab nws kom dim tes
dim taws. Peb yeej tsis txeeb ua lub luag haujlwm. Thaum txog yam
yus paub lawm nws los yeej yuav tsum thawj yus thiab xwb. Peb tsoom
Hmoob sawv daws coj tus tus cwj pwm no ces peb yeej zoo xwb. Qhov
tseeb tiag peb yuav tsum paub ua ib tug txiv tsev los puas sis niam
tsev zoo xwb.

Lub xeem yuav tsum yog ib qhov tseem ceeb hauv peb Hmoob lub neej tiam
sis tsuas yog rau kev neej kev tsa xwb txhob yog kev sib cais rau txoj
kev coj noj coj ua. Lwj twm coj tau sawv daws nyiam cia tus ntawd
ua. Txhawb nws kom nws lub zog loj. Peb cov hluas niam no yeej hloov
ntau lawm tiam sis yuav tau sib yoog kom txog thaum kawg los peb thiaj
paub hais tias peb yog leej twg. Thaum yus tsis paub hais tias yus
yog leej twg, yus Haiv zoo li cas lawm ces thaum no mas tu siab tshaj.

Ua ib Haiv neeg yeej muaj qhov phem nrog qhov zoo. Phem thiab zoo yog
nyob ntawm peb txawj siv xwb.

Peb Yog Ib,

Txawjvamyias

.