Re: Caij Neeg Fuab Cua


Noogqejqawg wrote:
Cov phoojywg,

Raws le peb kev ntseeg Catholic txuj kev coj mas luas tsi tau yuam kuas
peb ntseeg Yesxus le Maab Dlawb, luas kuas peb ntseeg Yesxus raws le
peb lub culture.

MS, yog yug moog ntseeg Yexus lawm los yuav tsum tau ntseeg Yexus tag
tag tsis txhob moog ntseeg Maab Dlawb xwb moj. Yog moog ntseeg tug XF
Maab Dlawb xwb tes yuav ua le caag muaj txuj kev ntseeg luj hlub hab
ruaj sab tau tas yug yuav moog txug Vaajtswv lub teb chaws? Nub twg tug
XF Maab Dlawb hov ua kev txhum los sis tsis moog church lawm tes yug
yuav tsis moog church hab lov? Muab soj saib lug mas peb haiv H/Moob
le peb yeej ib txwm muaj ntau lub sab, yaam twg los xaav kuas yog yug
le taag huv tuab si, yug muaj ib lawm mas xaav kuas muaj ob, muaj ob
lawm los peb lub sab yeej tseem khoob lug txhaws tsis puv peb lub sab
le. Kuv ncu thau yug tseem yog miv nyuag tub hluas yau, peb nyob lub
zej zog tuaj ntug mas cov nyaab laaj lug los tej nam tej txiv yeej yug
puab hos thaum yug tog tuaj txug los tej nam tej txiv yeej tam puab zoo
zoo. Peb ib feem H/Moob le txuj kev ntseeg Yexus hab dlaab los ntshai
yuav yog moog le hov hab ntaag.

vim tas nyob huv peb tej kev lig kev cai dlaab qhuas
kuj muaj ntau yaam muaj nuj nqes rua peb.

Raws le kuv cov phooj ywg moog church has rua kuv mas Vaajtswv cov lug
(the Bible) yog dlaim blue print rua puab txuj kev ntseeg xwb yog le
ntawd mej cov ntseeg Yexus es mej nyag muaj nyag dlaim blue print hab
lov?

.