Re: Buddhism for Hmong

Phooj ywg Noogdlej,
Koj yeej teb raug raws peb cov ntseeg txoj kev cia siab lawm. Cia kuv
ho yuav hais raws li peb cov uas tseem coj kev cia qub txoj kev cia
siab. Peb cov tseem coj kev cai qub (Teev Poj Koob Yawm Txwv) mas peb
ntseeg hais tias yog muaj ib hnub twg peb ib pas nqus tsis tuaj lawm
peb yuav tau mus nrog peb tej neeg ntxheeb neeg ze, tej pog tej yawg,
tej niam tej txi, tej me tub me nyuam thiab yuav tau rov mus ua lub
neej sov siab so, noj sib hlub haus sib ces, noj tsis txob haus tsis
txhawj nyob rau yeeb ceeb teb. Tab sis yog peb ho mus coj lwm txoj kev
cai (religion - eg.. Christian, Budism, Islam or etc....) lawm ces peb
yuav tau mus nrog mab dawb suav doog nyob ua kwv ua tij, mus nyob yam
kho siab khuav, tsis muaj vag muaj tse, tsis muaj kw tsis muaj tig, mus
nyob ua poov nrog luag, yuav mus ua ntsuag puab rooj puab ntsa, yuav
mus rau luag caij tsuj saib tsis tau, mus ua noog qej qawg poob qab
nrag, yuav rov los rov tsis tau, yuav nyob los tsis pom qab cob cuab
rau qhov twg. Yog leej twg xav sim (simulate) ces nej sim mus nyob kom
nrug deb deb ntawm ib tsoom Hmoob sawv daws kom ntev li ob-peb xyoos
ces nej yuav paub zoo hais tias mus nyob hauv lub ntuj CeebTsheej uas
Vaj tswv npaj tseg los sis lub Xabvamn uas cov ntseeg Budism yuav mus
nyob ntawd yuav kho siab npaum li cas. Yog vim li no es peb cov coob
thiaj tseem coj kev cai qub xwb. Peb tshuav ntau yam tseem yuav tau
txhim kho, yog thaum txhim kho rau tag lawm mas peb txoj kev ntseeg haj
yam yuav zoo tshaj txhua yam kev ntseeg hu tib si.
HL

.

Relevant Pages

  • Re: Buddhism for Hmong
    ... Peb cov Moob feem coob yeej muaj chaws vaam hab chaws ... ces peb yuav tsi paub txug kev phem, kev zoo, hab kev sib zaam txim. ... Rov has txug lub tebchaws kws peb cov coj qub kevcais tseem naj nub ...
    (soc.culture.hmong)
  • Re: Npau Siav Tuag
    ... Los rau ib ntus no ua li cas peb cov Hmoob yuav muaj cov npau siav ... tsis leem cai, nws kav xyeem qhov uas lub teb chaws no txoj cai tiv ...
    (soc.culture.hmong)
  • Re: Npau Siav Tuag
    ... Los rau ib ntus no ua li cas peb cov Hmoob yuav muaj cov npau siav ... tsis leem cai, nws kav xyeem qhov uas lub teb chaws no txoj cai tiv ...
    (soc.culture.hmong)
  • Re: Npau Siav Tuag
    ... Los rau ib ntus no ua li cas peb cov Hmoob yuav muaj cov npau siav ... tsis leem cai, nws kav xyeem qhov uas lub teb chaws no txoj cai tiv ...
    (soc.culture.hmong)
  • Re: Xavzoo
    ... Zoo siab rau koj cov lus hlub HAIV, peb muaj ntau leej xav tau ib yam ... Tus npau Hmoob zaum no yuav ceeblaj los txog peb, ...
    (soc.culture.hmong)