Re: NPUABTEB thiab TSOV!

Koj zaj dab neeg no kuj yog ib zaj muab txhais tau ntau yam thiab. Yuav
muab txhais li cas los yeej yog. Raws li kuv txhais koj cov Ualag thiab
Dav Qhuav mas cov no yog cov nyob ze ze ntawm tsov xub ntiag thiab xav
lawm twj ywm tias hnub twg npuas teb muab tso tom tuag kiag ces hnub
ntawd tsov lub kingdom ces yog lawv lub lawm xwb. Tsov tej pej xeem
huab fwm ces yog lawv ntiag tug tag nro. Koj puas xav tias kuv txhais
yog lawm thiab?

Muaj dua ib zag mas ho yog nyuj cab thiab tsov ntxhua. Nyuj cab mas yog
ib hom tsiaj tsov nyiam noj tshaj plaws vim nws nqaij los kuj qab heev
thiab hos yog ib yam tsiaj tsov tom tau noj yooj yim tshaj plaws. Muaj
ib tug txiv tsov ntxhuav mas niaj hnub tom cov nyuj cab noj ua tshais
ua hmo vim thaj tsam ntawd cov nyuj cab nyob coob heev. Lawv ces yog
tsov cov zaub mov xwb. Tsov nqis tus twg ces cia li tom kiag xwb. Tus
tsov ntxhuav ntawd nws niaj hnub tom pab nyuj cab ntawd rau nws pab
niam tub ua hmo ua tshais, muaj ib zaug tus txiv tsov ntxhuav ntawd
txawm los txog ntawm pab nyuj cab ces nws txawm xaiv mus xaiv los, nws
txawm xav tias yuav tom tus thav kub zuag plias ntag thiaj li txaus rau
nws pab niam tub ua hmo. Txhua zaus nws tom mas nws nyas tom ib sab
tuaj muab pob qa, yog tsov tau muab tus twg pob qa lawm ces kawg raug
ua tsov zaub, tiam sis zaum no tus txiv tsov ntxhuav ntawd txawm mus
pliab tom tus thav nyuj cab hau ntej thaum tus nyuj cab noj noj zaub
los ze ze, tus txiv tsov thiaj li mo yo pem tus nyuj cab taub hau thiab
tib plaws mus khawm nkaus tus nyuj cab zuag zog xwb qwb txo leej pob
qwb. Tus nyub cab saib zoj cas tsov twb khawm nws xwb qwb lawm nws ua
zaj twg los tsis khws kiag. Nws thiaj li xav zoj tias tsis siv nws tus
kub ces kawg mag ua tsov zaub zaum no nws thiaj li saib zoj cia tom
thawj tus tsov lub caj pas los teem nkaus ncaj kiag ntawm nws ob txwm
kub nws thiaj li tib ncaws kub tsa hlo taub hau chob nkaus tus tsov qab
caj pas tshab, nws thiaj li lawg kub ntxiv tshwm plaws saum tsov xwb
qwb. Zaum no tus txiv tsov ntxhua thiab tus nyub cab thiaj lis sib
ntswg sib ntswg ib nyuam chim ntev loo ces tus tso lub zog thiaj li tag
thiab tuag vim tus nyuj cab ncaws kub raug tsov qab caj pas zoo dhau
hwv lawm. Ua no nej ho xav tias cov tus cab ntawd los siv pab nyuj cab
yog leej twg thiab tus txiv tsov/pab tsov ntawd hos yog leej twg?

.

Relevant Pages

  • Re: NPUABTEB thiab TSOV!
    ... Hais txog koj zaj dabneeg yog tsis muaj lawm lam siv los kuj tau thiab ... li vim nws loj thiaj peem las heev. ... Cov maum yog cov nrhiav nqaij rau ... cov Tsov Ntxhuav noj xwb. ...
    (soc.culture.hmong)
  • Re: NPUABTEB thiab TSOV!
    ... Koj thiaj tsis paub xwb hos cov uas yog Uablag ... Kuv tsis tau pom dua Txiv Tsov Ntxhuav es yuav tom tau Txiv ...
    (soc.culture.hmong)