Pola Radio semajnfine kaj paskofeste
- From: "Dario Rodriguez" <spamo_ne@xxxxxxxx>
- Date: Fri, 21 Mar 2008 19:57:57 +0100
Karaj Radioamikoj,
Unue akceptu elkorajn bondezirojn lige kun la veninta
astronomia Printempo. Gxojplenan Paskofeston ni deziras al cxiuj,
kiuj - kiel ni - en Pollando, antauxgxojas pri la proksimiganta Festo.
Serenajn kaj sunplenajn festotagojn!!!
1) Vendrede, la 21-an de marto en nia programo ne auxdigxas aparta
esperantlingva interparolo, aliflanke ni prezentas fragmente intervjuon
kun pola sciencisto, pastro prof. Michal Heller. Mondfama kosmologo,
teologo, fizikisto, lauxreato de unu el la plej prestigxaj sciencaj
distingoj en la mondo, la Premio de Templeton, kontestas la ekziston de
malakordo inter la scienco kaj religio.
2) Sabate, la 22-an de marto en nia sonmagazino ni gastigas
s-anon Wieslaw Liebner el Poznano, kun kiu ni interparolas pri la maja
IFEF-Kongreso en tiu cxi pola urbo. Antaux la sonmagazino ni invitas al
la nordo de Pollando, al la tn. koro de la Kasxubio, Wejherowo, kiu
proklamis la nunan jaron la Jaro de la Kalvario de Wejherowo.
3) Dimancxe, kiel cxiam, en la “Leterkesto” ni rendevuas kun niaj
geauxskultantoj kaj radioamikoj – intersxangxante la opiniojn baze de la
elektronikaj mesagxoj, tradiciaj korespondajxoj, telefonvokoj.
Cxi-semajne interalie ni povas esprimi la gxojon pro la venontaj
cxi-jare al Pollando niaj auxskultantoj. Dejv Coffin tra Varsovio celos
en majo Vroclavon, kien li estas invitita por prelegi dum la okazonta
tie „Libre Graphics Meeting”. En septembro Jorma Ahomaeki akompanita de
8 amikoj la 12-an fojon vizitos Varsovion.
4) Lunde, dum la tn. Paskoluno ni pretigis ankaux specialan
programon. Gxia gasto estas usona esperantisto, William Harmon, la
cxefdelegito de UEA, gxia Honora Membro. Lia esperantistigxo, multjara
organiza aktivado, kaj ankaux ideoj pri E-o gxenerale, estas la temo de
nia antauxmikrofona renkontigxo.
Karaj Radio-geamikoj,kiel ni dauxre memorigas, sencxese interesas nin
opinioj pri la bildo de Pollando, kiun vi ricevas pere de niaj
programoj, pri tio kiel ili ricxigas, kompletigas (aux ne) la konojn
pri la nuntempa Pollando. Ni scivolas ankaux cxu kaj kiel niaj
E-programoj servas por gxui la cxiutagan esperantolingvan medion. Tiuj
informoj servas al ni instigante al sencxese lauxeble altnivela laboro;
ilia enhavo servas ankaux dum niaj renkontigxoj kun reprezentantoj de la
opinikreaj medioj en Pollando, sociaj agantoj, politikistoj.
Pro cxiuj reagoj kaj leteroj ni anticipe dankas! Ni atendas ilin cxe la
adresoj: esperanto @ polskieradio.pl aux barbarinella @ gmail.com
Sed bv. memori, ke ni preparas la originalan E-programon ne
sole semajnfine. Ankaux dumsemajne ni klopodas pretigi allogajn
programerojn. Do lunde ni parolas pri Pollando en Euxropo kaj en la
mondo - cxefe laux la ekonomia vidpukto, merkrede ni proksimigas la
polajn sociajn problemojn, en la jxauda programo speguligxas aferoj
ligitaj kun la pola kultura vivo kaj kunlaboro. Marde tamen la cxefan
atenton ni donas al la E-Gazetaro.
La cxiutagajn E-elsendojn vi povas auxskulti rekte pere de nia
pagxaro: http://www.polskieradio.pl/eo/
Se vi deziras savi la elsendojn vizitu la pagxon
http://www.polskieradio.pl/podcast/39/podcast.xml Suficxas, se per la
dekstra musobutono vi klikos la nomon de la elsendo kaj savos gxin en
elektita de vi dosiero en la propra komputilo por poste pokos sengxene
reauxskulti gxin. Ankaux per tiu cxi pagxo eblas rekte auxskulti niajn
E-elsendojn.
Amike kaj kore,
Esperanto Redakcio de Pola Radio
.
- Prev by Date: Rutgers Renkontiĝo
- Next by Date: Re: Filmeto pri bebo nun elŝutebla el alia servilo
- Previous by thread: Rutgers Renkontiĝo
- Next by thread: Pri la kolesterolo
- Index(es):
Relevant Pages
|
|
