Re: Unueco de la eklezio, klereco, plurismo...

seb@xxxxxxxxxxxxxx:

Marko Rauhamaa schrieb:
se diversaj homoj akceptas malsamajn verojn, la socio devas strebi
al objektiveco.

Kial?

Ĉar tio estas justa. Ĉar tio konservas la socian pacon. Tio permesas al
katoliko funkcii kiel egala civitano en la luterisma Suomujo sen timo de
persekutado.

Tia "objektiveco", kiun vi proponas, estas ne "objektiva", char ghi
akceptas la malveron samrange kun la vero.

Jes. La suoma ŝtato ne kodis, ĉu la Spirito elfluas el la Patro ĉu kaj
el la Patro kaj el la Filo.

La homa digno tamen postulas la veron, ne la malveron, kaj ke oni
konigu ghin al li.

Oni rajtas libere esprimi sian religion kaj provi konvinki aliajn homojn
pri sia vero.

Mi ja ghuste substrekis, ke multaj kritikadas (ne pro malico, sed) pro
manko da originaleco, pro simpla grega instinkto, pro socia premo, pro
malemo al pensado, regurdante lernitajn stereotipojn.

Do laŭ vi estas du ebloj: malico kaj la grega instinkto. Mi suspektas,
ke la grega instinkto kondukus al tuta silentado pri religiaj temoj,
almenaŭ en Eŭropo.

Kio ne estas akceptebla, estas principa neado de la Diinspiriteco de
la eklezio kaj per tio de ghia unikeco kaj nepreco, char tio estus
malvero kaj mensogo.

Al ni nekatolikoj la katolikisma eklezio ne estas tabuo.

Ĉiuokaze ĉu mi aŭ iu alia prezentis malverojn (aŭ duonverojn)? Se jes,
kiajn? Laŭ mia kompreno la teologio kaj praktiko de la aktuala papo pli
ofendas liberalajn kredantajn katolikojn ol min, laŭ kiu estas laŭdinde,
ke la ĉefo de religio klarigas ties mesaĝon. Ekzemple al la suoma
evangeliisma-luterisma eklezio tute ŝajnas manki mesaĝo. Episkopoj
verkas en gazetoj longajn artikolojn, kiuj tute ne mencias Dion, Jesuon,
ĉielon aŭ alian religian inspiron.

Mi scias viajn farojn, ke vi estas nek malvarma, nek varmega; mi
volus, ke vi estu aŭ malvarma aŭ varmega. Tial, ĉar vi estas varmeta,
kaj nek malvarma nek varmega, mi elsputos vin el mia buŝo.
[Apo 3:15-16]


Marko

--
Marko Rauhamaa mailto:marko@xxxxxxxxxx http://pacujo.net/marko/
.

Relevant Pages

  • Re: Prefiksoj kaj verboj
    ... El tio chi estas konkludeble, ... kiel prefikso estas ankau almenau ne erara. ... Mi konjektas pro la analogo en mia gepatra lingvo, la germana, kaj ...
    (soc.culture.esperanto)
  • Re: Ne angla, ne franca
    ... la subjektiva identeco povas suficxe forte malkongrui kun la ... ekspluatitoj kaj de ilia idaro. ... Tio ne estas tiel malfacila. ... sed tie oni ne havas la du unuajn trajtojn. ...
    (soc.culture.esperanto)
  • Re: Libereco de parolo.
    ... Tio simple ne estas vera. ... preventi tiajxojn en estonteco, kio signifas, ke ili opinias la ... ripeton tute reala kaj preventenda. ... Tiel fakte opinias multegaj judoj, sed ankau mi ne inventis tion, kion ...
    (soc.culture.esperanto)
  • Re: Longegajn vortojn en esperanto ?
    ... ke Zamenhof celis ion tian kaj ghin iel erare komprenigis ... > Tio tamen estas nur spekulativa rezonado. ... en la Antauparolo de la Fundamento estas skribita ...
    (soc.culture.esperanto)
  • Re: UEA: neutrala au komunista organizo?
    ... ilia "propra", tio okazas pro la efiko de lingvo-ideologio, kiu traktas ... lingvosxangxon en loka socio kiel katastrofon. ... Ne temis pri propravola sxangxo, kaj ne temis speciale pri la idiomo. ...
    (soc.culture.esperanto)