Re: Prefiksoj kaj verboj


Andreas Kueck skribis:

<<
En la Fundamenta Ekzercaro § 31 estas jena frazo: "Li eliris el la
dormochambro kaj eniris en la manghochambron." El tio chi estas
konkludeble, ke tia uzo de la prepozicio kiel prefikso estas almenau
ne erara.

Krome en la Fundamenta Ekzercaro § 26 estas jena frazo: "Mi iras en la
ghardenon." El tio chi estas konkludeble, ke ne-uzo de la prepozicio
kiel prefikso estas ankau almenau ne erara.

Mi konjektas pro la analogo en mia gepatra lingvo, la germana, kaj
surbaze de mia lingvosento, ke la unua eblajho emfazas la ideon
peratan de la prepozicio.


Ekzistas realismaj kuntekstoj, kie
tia distingo peras gravajn nuancojn.
Ekzemple:

Mi iris en la gxardenon [, sed survoje mi rememoris,
ke hodiaux la gxardeno estas fermita por la publiko].

Mi iris en la urbon, sed neniam atingis gxin
pro la siegxo.

Cetere, mi klare memoras diskuton kun du internacie konataj
(ge-)E-istoj (unu brita, alia hungara), kiuj firme kaj unuanime
insistis, kiam mi uzis frazon "Mi eniris en la cxambron.", ke gxi
estas senkondicxe neakceptebla, kaj ke oni devas diri
"Mi envenis en la cxambron." Fakte, kiel vi montris cxi-supre,
tia uzo estas ecx fundamenta!

Mi konjektas, ke homoj, kiuj havas sperton pri la
aspektoricxaj lingvoj, pli nature perceptas tiajn nuancojn,
same kiel la distingojn esprimatajn de pasivaj
participaj formoj (la fama "ata/ita disputo"),
pro la kutimo distingi la dauxran/sendauxran kaj
rezultan/senrezultan sencojn de la verbo.

Amike,
-------
Alexander Shlafer <elnaprez@xxxxxxxxxxx>


.

Relevant Pages

  • Re: Ne angla, ne laboro
    ... rajtojn, ili ja dekomence ekzistas. ... en kiuj partoprenis "la okcidento" estis ... entreprenitaj en la nomo de la humaneco kaj kompato. ... Zigfrid Krakauer klarigis 1927 en sia eseo "La ornamajo de la amaso", kiel ...
    (soc.culture.esperanto)
  • Re: Eurolingue: nova planlingvo por europ-lingvanoj kaj europ-unianoj
    ... > konsekvence kiel la hungara. ... Lau mi la Esperanta akuzativo estas pli ... la prepozicio "te" estas uzata kiam la rekta objekto estas homo au ... Tiu metodo permesas flekseblecon de la subjekta kaj objektaj ...
    (soc.culture.esperanto)
  • Kio estas ortodoksa Bahaano
    ... tiuj kiu sekvas la sen-Gardanta Universalan Domon de Justeco, ... Bahaanoj se, kiel `Abdu'l-Bahá ... Cxu ili ne tiel iras kontravx la Interligo kaj tio, ...
    (soc.culture.esperanto)
  • La papo vizitos Konstantinopolon.
    ... vizito celas la ekumenon inter katolikoj kaj ortodoksuloj. ... la papo jam ekzercis la Krucmontan [Berlina kvartalo kun multaj ... La trorapida korekto de la origina vortigo malkaŝas, kiel granda devas ... pli bone siajn vortojn! ...
    (soc.culture.esperanto)
  • Re: Martiro, pardono kaj satano
    ... Via vortigo tuj pensigas al la etimologio de la vorto 'valoro', kiu ... havas la saman etimon kiel 'valuto'. ... Pri pardono, mi invitas vin atente relegi la rakonton de la ... murdo de Habel kaj ghiaj sekvoj en Genezo 4. ...
    (soc.culture.esperanto)