Re: Dio, Vikipedio, deutsche sprache ktp.

Mi ne estas surogatema, sed mi rimarkas ekde mia silenta pozicio ke foje
legantoj de SCE plendas, ke ili ricevas la E-literojn unikodajn kiel
egiptaj hieroglifoj.

Kompreneble mi ne estas la spirito de LLZ, sed ŝajnis bela pseŭdonimo,
ĉu?

Mi ne miskomprenas, Anton, la celon de ĉi forumo. Sed mi rimarkas ke la
diskutoj pri nereligio / religio ne nur fariĝas tedaj, sed eĉ iom
danĝeraj por la paca kunvivado inter la forumanoj, do, evitindaj, ĉar
krome ili estas absolute neefikaj: mi ripetas ke neniam ateistoj
sukcesos konvinki dikredantojn aŭ inverse, do, kial perdi la tempon kaj
sin ĉagreni reciproke?

Mi preferas, sincere, legi la mesaĝojn de nia admirata Mireja pri buntaj
floroj, bongustaj manĝaĵoj, amindaj birdoj kaj (bonaj) katoj. Mireja
estas mirinda institucio en SCE kaj ni ĉiuj amegas ŝin, eĉ se foje iuj
malkonsentas kun kelkaj el ŝiaj ideoj.

Ĉar la pseŭdonimo ŝokis kelkajn, mi ne subskribos.




.