Re: Kategorioj de surogataj skriboj




"Emilio Cid" skribis:

Sed, ili tute malaperas en la mesaĝoj de SCE ricevitaj per mia outlook
express 6 (windows XP). Por kapabli legi la mesaĝoj mi devas viziti
la paĝon de google, kie ili "ofte" aperas bone (foje ne).

La agordo de via OE almenaŭ rilate al sendado estas en ordo, ĉar via afiŝo
alvenis laŭ kodigo UTF-8, do ne estus problemo skribi kun supersignoj. Ĉu vi
eble havas problemon produkti la supersignajn literojn per via klavaro? Se
jes, bonvolu diri tion.

Nu jes, ni ĉiuj scias ke OE postulas agordon por ricevi kaj sendi mesaĝojn
laŭ kodigo UTF-8. Sed post iom da provado vi certe sukcesos trovi la ĝustajn
agordojn. Vi povas testi tion ĉu ĉio funkcias bone sendante mesaĝojn kun
supersignaj literoj al testgrupo, ekz. alt.alt.test.

Guglo ebligas senprobleme sendi kaj ricevi mesaĝojn laŭ kodigo UTF-8. Tio
validas ankaŭ por la Guglo-grupoj (kontraŭe al Yahoo). Kaj se vi havas
problemojn per via klavaro tajpi esperantajn literojn, tiam vi ĉiukaze povas
uzi mian konvertilon.

Do vere ne plu estas neceso skribi surogate. Mi komprenas ke en la pasinteco
la situacio estis pli komplika, sed nun necesas nur iomete da klopodo por
agordi sian poŝtlegilon kaj adapti sian klavaron kaj ne plu estas problemo
skribi laŭ bela zamenhofa skribo.

Estus bone, se por brazilaj esperantistoj iu bonvola brazila esperantisto
publikigus konsilojn kaj proponojn ĉi-rilate en brazila esperantista retejo.

Do, provu!

Anton Oberndorfer




.