Re: Chu la "'tiom-kiom'-ismo" jam farighis normala lingvo-uzo?

Giuseppe Castelli <gcastelli@xxxxxxxxx>:

Marko Rauhamaa:

Laŭ mia opinio la verboj ĝenerale akceptas iun ajn el "multe" kaj
"tre". Kaj mi inklinas favori la vorton "tre" kiam ajn eble.
Ekzemple "ne tre influas" anstataŭ "ne multe influas".

Do vi konsentas, ke la distingo estas nur sintaksa, ĉu?

Mi eble konsentas tion, sed tion oni ne povas konkludi el mia rimarkigo.

Mi suspektas, ke la afero rilatas al unu el la signifoj de la sufikso
-eg-. Ĉar oni povas diri: "ne influegas", oni povas ankaŭ diri "ne tre
influas".

Aŭ ni pensu pri la afero jene:

Ĝi ne tre influas al la afero.
= Ĝi ne havas grandan influon al la afero.

Ĝi ne multe influas al la afero.
= Ĝi ne havas multe da influo al la afero.

Mi ne malkonsentas, ke sintakso grave rolas, sed al mi ŝajnas, ke
efektiva semantika diferenco ekzistas.

de kie venas la temo de nia diskuto?

De la fakto ke PMEG rekomendas alie.

Estas interese, ke la sveda lingvo (miakrede) ne distingas inter "tre"
kaj "multe" (= "mycket").


Marko

--
Marko Rauhamaa mailto:marko@xxxxxxxxxx http://pacujo.net/marko/
.